Basant aa rahi hai

 Rajai pairo se neeche jaa rahi hai

Aur teri aahat sunai de rahi hai

Tu fir aa rahi hai

Kaisa yeh pyaar hai

Janta hu tu mujhe chhor ke jaa rahi hai

Har baar hota hai

Har saal hota hai

Tujhe meri yaad aati hai

Tu chali aati hai

Aur fir chali jaati hai

Mein jaanta hu tu chali jaayegi

Fir bhi tera intezaar karta hu

Har baar

Har saal

Bahut pyaar jo karta hu tumse

Jitni sundar hai tu

Utni hi jaalim hai

Kitna bhi Roku tujhe

Ret ki tarah fisalti jaa rahi hai

Vaqt ko rok lu

Itni taaqat nahi mujhmein

Mein khud nahi

Apne ko sambhal raha hu

Yahi yaqeen dilakeK

Kyu Mahsoos ho rahi hu mujhe

Rok nahi paa raha tujhko

Mere ruh mein utar rahi hai

Deewana ho raha hu mein tera

Mein khuda ho raha hu

Mera badan pighal raha hai

Mein kho raha hu

Tumse itna pyaar kyu karta hu mein

Saal bhar intezaar karta hu mein

Fir bhi tumse hi pyaar karta hu mein

Kitne mohabbat aaye

Aur gamgin kar gaye

Yaadein jehan mein bhar gaye

Par tumsa koi nahi

Tumse mil ke hi woh khubsurat the

Unki yaadein bhi khushbu hai tumse hi

Koyal pagal kar deti hai

Har saal mujhe

Bepanah mohabbat kyu karta hu

Mein tumse hi

Basant hai n tu

Kitne kam pal deti hai mujhko

Phir bhi pyaar karta hu

Tumse hi

Har saal meri yaadein bheeng jaati hai teri baarish mein

Mushkhuratein sona ban jaati hai teri os mein

Wo saam swarnim hai

Wo hawa ruhani hai

Kuch bhi kaho

Khuda tum sa hi hoga

Tumse jyada noori nahi hoga

Mera jaanat tu hi hai

Meri yaadein tu hi hai

Saayad asli mohabbat tu hi hai