Dil darta hai

 Aankh milte hai dastak hoti hai dil ke darwaje pe

Man karta hai milne ko

Par darwaje khulte nahi dil ke

Pal beet jaate hai

Yaad ban jaati hai

Fir dhoondli ho jaati hai

Fir aankh milte hai

Par dil ke darwaje nahi khulate

Yaadein bante hai

Aur dhoondli hoti jaati hai

Har baar sochta hu

Aisa kyu hota hai

Dastak hoti hai

Par darwaje nahi khulate hai

Kyu darte hai hum itna

Milne se ghabrate hai

Sadiyon ka dar hai saayad

Jo man mein ghar kar jaata hai

Dil mil bhi jaayein

Par aatma kaise ghule

Sadiyon ka dar hai saayad

Kiska dar hai 

Jo dil se jit gaya hai

Sadiyon se yahi to hua hai

Dar dil mein baith gaya hai

Dil darta hai

Dil ko samjha bhi lu

Par waqt beet jaata hai

Yaadein dhoondli ho jaati hai

Dar jit jaata hai

Dil mayoos ho jata hai

Ghor andheron mein kho jaata hai

Kahna muskil hai

Dar kabhi mit paayega

Ab badlaw pe hi bharosa hai

Sab kuch badal jaata hai

Kabhi dil dar se jit jaaye

Aane wale sadiyon pe bharosa hai