Garibi ki majboori

 Bachpan mein socha tha

Garibi mita dunga

Har garib ke haath mein paisa thama dunga

Bada hua to khud hi garib ban gaya

Dekhke garibi bachpan mein aasun bhar jaate the

Sunke unki vyatha

Nanhi aakhein sajal ho jaati thi

Soch ke garibi kya hoti hai

Man Ghabra jaata tha

Dil dar jaata tha

Sochta tha saare paise ek din le lunga

Sabko barabar barabar de dunga

Samajwad ka sapna tha

Duniya badalne ki chahat thi

Bada hua to sapna ka sach samjha

Punjiwaad ka naam suna

Fir Khud punjiwaad ka ghulam bana

Tab samjha samajwaad sapna hi hai

Baalak hriday ka dwand hai

Komal man ka krodh hai

Kuch nahi badla is jiwan mein

Mein hi badal gaya

Man mein hi sapne rah gaye

Sapne andhere mein hi kho gaye

Sab to garib hi hai

Amir hai kon yaha

Janta Garibi mein jeene ko vivash hai

Saayad yahi sach hai

Garib hona hi nayeshargik(natural) hai

Amir hona to ashambhaw hai

Kyunki jab mera dil pasij gaya

To ishwar ka dil nahi pasijta

Agar ye galat hota to

Socha tha duniya badalunga

Aaj khud badal gaya hu

Dekh ke anyay (injustice)

Muh fer leta hu

Jiwan ki vivasta dekh 

Man hi badal leta hu

Saayad bada ho gaya hu

Bachpan ke sapne jhoothe the

Yeh maan chuka hu

Khud ek ek paise ke liye mohtaaz hu

Aur samajwaad ki kitaab hu

Charo taraf andhkaar hi andhkaar hai

Umeed ki koi kiran nahi

Baatein sab karte hai

Par badlaw asan nahi

Punjiwaad hi sayad ishwar hai

Aur samajwad rakshas hai

Har baar punjiwaad hi aa jata hai

Naam badal jaata hai

Jaat nahi badalta

Punjiwaad kitna shaktishali hai

Soshak kitne kam hai

Soshit kitne jyada hai

Fir bhi punjiwaad hi jit jaata hai

Garib khoon dete hai

Garib mehnat karte hai

Par garib hi rahte hai

Saayad garib banne ke liye hi mehnat karte hai

Unke liye n bacha koi raasta hai

Aur punjipatiyon ko unse nahi hai koi waasta

Garib ka n koi jaat hai

Garib ka n dharam hai

N koi rakhwala

N koi maannewala

Garib maano akela

Dev bhi chhor gaye

Insaan garib hi acche lagte hai

Amir hone pe pagal ho jaate hai

Saayad ishwar ka yahi viswaas hai

Isliye garibo ka ghar hi

bhagwan ka khilwaar hai

Isliye punjiwaad ka hi aas hai

Bhagwan bhi maan liye hai

Yeh mandir kaha se aayenge

Punjipati hi bhagwan hai

Dukh bhari kahani hai

Garib maano kutta hai

Jhukna jiska maan hai

Bheekh maangna kaam hai

Do pairo pe khara hone wala

Chaar pairowala jaanwar ban jaata hai

Fir bhi kiska hriday drawit hota hai

N padh sake  n padha sake

Jiwan ka arth samajh hi n sake

Budhihin banke kaise jeete

Log jo pagal kahte

Isse behtar garib hi ban gaye

N arth hai n kaam hai

N hi samjhe jaate insaan hai

Kitne majloom kitne majboor hai

Paisa taaqat hai

Paisa hi kanoon hai

Paisa hi shaktimaan hai

N koi jaatiwaad hai

N koi dharm ka jhagra hai

Jiske pass paisa hai

Wo hi sarvshaktimaan hai