Jiwan ek sangharsh hai

 Jiwan ek Sangharsh hai

Larna apna kaam hai

Lakh vighn aayenge

Par hum nahi ghabrayenge

Jiwan ek yudh hai

Larna apna kaam hai

Parinaam se kyu darein hum

Larna apna kaam hai

Raastein sulabh ho jaaye

To lakshya arjit karne ka gaurav kya

Chunnotiyan kam ho jaaye

To sangharsh ka matlab hi kya

Tu yudh kar

Tu yudh kar

Larna tera kaam hai

Bina ruke

Bina darein

Bina jhuke

Sankat se badal aayenge

Fir chhat jaayenge

Tu yodha hai

Ranbhoomi tera ghar hai

Yudh karna tera karm hai

Paurash tera abhoosan hai

Virta tera praman hai

Dekh upar aakash ki taraf

Kitna taaqat hai usmein

Kitna sahash hai usmein

Kitne vighno se takrakar

Hamara sish bachata hai

Manjil ko paana hai

To vighno ko paar karna hi hoga

Sangharsh kar upar uthana hi hoga

Charitra ko nikharna hi hoga

Yahi to veeron ka swarnkaal hai

Veeron ko apne shaurya ka manchan karna hoga

Tabhi to vijayshree ka maan hoga

Tumhe apne paurash ka bhaan hoga

Badal aate hai

Badal aayenge

Par suraj to chamkega

Jaise yudh mein to tu garjega

Sikho un parbat se

Atal kaise rahte apne prayaso mein

Vifal to hona hai

Khuchle jaana hai

Tod diye jaana hai

Par veer kaha ghabrata hai

Hriday katu wachno se  ghayal honge

Laanchan sun sun ke

Kaan ansune ho jaayenge

Netra julm nahi dekh payenge

Man drawit ho jaayega

Lekin jisko safalta ki chah hai

Woh kabhi n ghabrayega

Apne paryose mein vifal hone pe bhi jor lagayega

Jiwan mein yudh ke siwa kuch nahi

Vir ko jiwan se prem nahi

Yudh hi uska jiwan hai

Sangharsh hi uska charitra hai

Yuhi larte rahna hai

Girke uth jaana hai

Jab tak manjil mil n jaaye

Jor lagate rahna hai

Ae veer

Yeh jiwan sangharsh hai

Isse muh nahi chhipana hai

Vir Pratap se sikhte jaana hai

Aur baar baar jor lagana hai

Yah paurash ki bhoomi hai

Yaha veero ka hi samman hai

Tu purush hai

Paurash se paripurna hai

Tu veer hai 

Tu hi mahan hai

Apne shakti ko pecchan

Tu hi sampoorna brahamand hai

Aisi koi samasya nahi

Tere pass jiski yukti nahi

Pratap kab ghabraya tha

Ghaso ki roti ne use kab rulaya tha

Ram ko kab malmal bhaaya tha

Chhor sinhasan van ko hi paaya tha

Gandhi kab angrezo se ghabraya tha

Pura jiwan aadarshon pe bitaya tha

Yeh veeron ki bhumi hai

Tu bhi veer ban

Maa ka gaurav badha

Jiwan ko adarsh bana

Vighno ke dekh tu n ghabra

Atal parvato sa prayas lagata rah

Vijay usiko milegi

Jo gir ke uth jaata hai

Bina vilaap kiye apne karma mein lag jata hai