Jiwan ki gatha

 Dhool se tu aaya hai

Dhool mein hi mil jaana hai

Tera karm hi mahan hai

Tu karm se hi jaana jaayega

Sadiyon tak maana jaayega

Aisa adarsh tu jag mein sthapit kar

Yugo tak tera udaharan diya jaayega

Maan le

Tu hi shiv hai

Tu hi brahm hai

Kar de tu aisa Yash stapith

Tino lok mein jaana jaayega

Dhool se hi tu aaya hai

Dhool mein hi mil jaayega

Tai tujhko karna hai 

Aisa layak banna hai

Chandan banke sir mein sajna hai

Ya paani mein bah jaana hai

Aisa gauravshali karma hai karna 

Jiwan mein itna Yash hai failana

Ki teri dhool phool ban jaaye

Log maathe mein yu sajaye

Jaise veeron ke bhaati

Tune desh ka maan badhaya ho

Aisa dhool hai banna tujhko

Jisko bhool n paaye duniya

Maa se hi janam leke

Maa mein hi mil jana hai

Beech jiwan mein maa ka hi dharm nibhana hai

Maa ka maan badhana hai

Maa ko pujit

Maa ko arpit

Aisa Yash pataka fahrana hai

Dharti kahe baaram baar

Aisa purush n aaya kabhi

siddhanto ke bedi

Pe jiwan chhadaya jisne

Aisa veer n aaya kabhi

Matrabhumi pe sis chadhaya jisne

Jiwan atal Sangram hai

Ismein Vijay hona niskaam hai

Sukarm ke path pe aise chalna hai

Jiwan ke arth ko pramanit karna hai

Dhool se tu aaya hai

Dhool mein hi mil jaana hai

Janam maran ke khel se upar uth jaana hai

Mrityu ek dhokha hai

Jiwan iske baad bhi mil jana hai

Mrityu ko bhulkar

Pursharth ki aisi gatha likh 

Tera jiwan adarsh ban jaaye

Naseeb ki khoti baaton se balak bhi n ghabraye

Jiwant kar de aise kirdaron ko

Jo sadiyon tak yaad rah jaayein

Karm mein aise rat ho jaa

Ki fal ki chinta n sataye tujhko

Tu karm ka aisa udaharan ban 

Ki dharm bhi karm ban jaaye

Puri shristi fir se madhav ki gitamay ho jaaye

Maan le

Tu hi shiv hai

Tu hi brahma hai

Tu hi shristi

Tu hi brahmaand hai

Dhool se tu aaya hai

Dhool mein hi mil jaayega