Lakshya ko bhed

 Jo bhi tere undar hai usko bahar nikaal

Dar mat

Kisse ghabrata hai

Jaisa tu hai

Waisa hi woh hai

N hi koi upar

N hi koi bekaar hai

Sab tere jaise hi shandar hai

Koi hasega

Koi muskurayega

Koi jillat dega

Ya koi samaan

Bas itna hi hoga n

Tu isse hi paresaan hai

Yaad rakh

Tune kuch kiya hai

Baakiyon ne to bas bakwaas kiya hai

Dil ko sakhth kar

Man ko uccha bana

Dekh ke gagan ko

Usmein apna pratibimb bana

Khud ko itna upar utha

Ki neeche kuch dikh hi n paaye

Log tujhe dekhe 

Aur tu bas akaash ki aur murein

Dusro ki lakir chhoti mat kar

Apni lakir badi kar

Kismat naam ki chiriya uda de

Sab man ke hi andar hai

Jeet or haar

Safalta or asafalta

Prayas jaruri hai

puraskar nahi

Lakshya ko kendra bana

Lakshya hi sab kuch hai

Aisa maankar jatan kar

Kon kahta hai tu safal n hoga

Lakshya bheda hi jaayega

Yaad rakh bina gire

Kon uth paaya hai

Tu apne bhagya ka vidhata ban

Lakiron se dar mat

Naya kirtimaan bana

Ambar ko upar utha

Tujhpe bharosa hai

Tu hi kar paayega

Badal ke beech udaan bhar

Ambar ko bhi ek din paar kar jaayega

Tu aasha hai

Tu hi ummeed hai

Tu hi roshni hsi

Tu manaav hai

Tere karmo se hi duniya sajiv hai

Tu bas karta rah prayatn

Parinaam tumhara hai