Mein dhokebaaz-2

 Haar gaya hu mein

Tut gaya hu mein

Apne saathiyon ka saath kho chuka hu mein

Kya wada kiya tha ki

Aakhri tak saath nibhaunga

Chhor diya

Bich majdhaar mein hi

Kya hua un waado ka

Kya hua un kasmo ka

Kya hua un aitbaaro ka

Jo humse lagaye the

Chhor diya in baaton ko

Fir bhi kya hua mere un usulon ka 

Kya hua mere un aadarshon ka

Sabki tilanjali de di meine bich raastein mein hi

Ahankaar hai humlogo ko

Sharm nahi hum insaano ko

Deke dhokha kaise jee lete hai

Apne aakhon se aakh mila lete hai

Mur gayi hamari antaratma

Jameer ki kya baat karu

Andhere se dar lagta hai

Khud se hi khud n takra jaau kahi

Khud ko kaise samjhau

Ki mein galat nahi hu

Haalat galat hai

Par phir bhi badnaam to mein hi hu

De dete saath magar

Par de nahi paaye

Kisi aur ke khaatir apno ke n ho paaye

Maaf karna mere dost

Agar mujhe samajh paao

Insaan galat nahi hote

Halat se majboor hote hai