Mein dhokebaaz

 Dhokha diya meine

Haa haa dhokha diya meine

Tujhse jhootha wada kiya

Ha ha tujhse jhootha wada kiya

Maaf mat karna mujhe

Dhokha diya meine tujhe

Jhootha wada kiya tumse

Socha tha saath nibhaunga

Tere saath hi har mushkil se paar paaunga

Par kya hua

Kya tujhe batau

Aisa kyu hua

Ki mein bewafa ho gaya

Tere dard se anjaan ho gaya

Kitna jaalim ho gaya mein

Tere dil ko kuch n samjha

Tod ke dil tera 

badh gaya mein

Ek baar bhi nahi socha

Tujhpe kya beeti hogi

Tera hoke bhi tera ho n saka

Tujhe khoke pata nahi kya paa liya

Bada besharm insaan hu mein

Bada begairat hu mein

Tere pyaar ko kitna aam bana diya

Tere viswaas ko jhuka diya

Tere wafa ko sareaam nilam kar diya

Tu kitni nadaan thi

Ki mujhpe bharosa kiya

Mere jaise patthar

Pe aitbaar kiya

Tujhe kya laga ki mein pyaar ka Devta hu

Mein to gunaho ka Devta hu

Tu aitbaar rakh apne rab pe

Mere gunahon ki saja tujhe nahi milegi

Tu paak dil insaan hai

Tere saath insaaf hoga

Tujhe tere jaisa hi koi yaar milega

Aur mujhe mujh jaisa hi

Unpe aitbaar rakh

Unke ghar der hai andher nahi