Parmeshwar

 Tu kaha hai

Tujhe dhoondta fir raha

Tu mandiron mein hai

Ya gurudwara mein

Tu masjidon mein 

Ya girzaghar mein

Fir raha hu mein 

Maara maara

Teri khoj mein

Tu kya hai

Tu hai ki nahi

Kise pata

Tu mere dil mein hai

Ya tu mere man mein hai

Tu mere dua mein hai

Ya mere prathna mein

Tu mere punya mein hai

Ya mera prashyachit

Tu mujh mein hai

Ya mere parchhai mein

Tu hai sirf mere soch mein

Ya mere dil ke gehrai mein

Tu hai bhakti meri

Ya meri sadhna

Tu hai meri tapasya 

Ya mera samarpan

Bada hi jatil prasna hai

Maan leta hu tu hi mera viswaas hai

Kaisa roop hai tera

Kya tera koi aakar hai

Kya sach mein tu saakar hai

Ya nirankar hai

Kaisa hai rang tera

Tu gora hai ya kala

Ya tu paani jaisa

Tu urjaa ka bahaw hai

Ya koi samvedna

Tu kisi bacche ki muskaan mein hai

Ya kisi sadhu ke sadhna mein

Tujhe kabhi mahsus bhi kar paaunga

Ya tu hai meri kori kalpna

Jo bhi soch paata hu

Usmein hi dhaalna chahta hu

Ho sakta hai tu mere soch mein n samata ho

Ya mere kalpna se pare ho jaata ho

Bada hi mushkil prasna hai

Jisko dhoondna paana hai asambhav

Tu prem hi hai saayad

Jo mein tujhse karta hu

Ektarfa ho sakta hai

Par meine kar diya hai purn samarpan

Prem hi wo sakti hai

Jisse duniya chalti hai

Tu prem jaisa hi hoga saayad

Nischal, nirankar aur nirwikar

Par tu yaad rakh

Tu nirvivad nahi hai....