Sabd kamjor hai

 Sabd kamjor hai

Sabd majboor hai

Sabd adhoore hai

Mein jo kahna chahta tha kah n paaya

Mein jo samjhana chahata tha samjha n paaya

Yeh dil ki baat hai dil hi samjha sakta hai

Sabd kamjor hai

Sabd adhoore hai

Usne mera sabd suna

Dil ko nahi

Chhor ke chali gayi

Kyunki sabd kamjor the

Adhoore the

Aaj bhi kahna chahta hu

Aaj bhi paana chahta hu

Tasveer bhi ban gayi hai 

Ahsaas bhi jud gaye hai

Par sabd kamjor hai

Sabd tasveer nahi dikha paate hai

Sabd dil ki baat nahi suna paate hai

Sabd ahsaas bayan nahi kar paate hai

Kyunki sabd kamjor hai

Sabd majboor hai

Yeh sabd hai

Aaina nahi

Dil nahi

Aatma nahi

Man nahi

Man ki dor se bandhe hai

Dil ke taar jude hai

Aatma ek hi hai

Par sabd kaise samjhate 

Kyunki sabd adhoore hai

Bahut kuch kahna chahta hu

Bahut kuch bayan karna chahta hu

Andar ki tadap dikhana chahata hu

Andar ki milne ki bechani jatana chahta hu

Andar ke dard ko jaahir karna chahta hu

Kaisa lagta hai ki jise chahu use paa n saku

Abhi bhi intezaar hai

Par mein us tak kaise khabar pahuchau

Mere sabd kamjor hai

Mere sabd majboor hai

Mere sabd adhoore hai

Saal beet gaye

Yaadein yaad ban gayi

Mohabbat kahani ban gayi

Aur kahani itihaas ban gayi

Phir bhi taaza hai

Zakhm mere

Yaadein parchhayi ban gayi

Yaadein itihaas ban gayi

Itna kuch hai kahne ko

Itna kuch hai dikhane ko

Ki mein kya ban gaya hu

tumhare bin

Par kya kahu baar baar

Ki mere sabd kamjor hai

Ki mere sabd majboor hai

Ki mere sabd adhoore hai

Ki mein kah nahi pata hu

Jo mein tumhe kahna chahta hu

Kaash tum dekh paati dil mera

Kaash tum padh paati man mera

Kaash tum mahsoos kar paati mere tadap ko

To mere sabd apraadhi n hote 

To mere sabd mere katil n hote

Mar raha hu pal hi pal

Par tumhe qatil kaise kahu

Kyunki qatil mere sabd hai

Jo majboor hai

Kamjor hai

Adhoore hai