Anyay ka pratikar

 Mujhe pasand nahi karte hai 

Mujhse nafrat karte hai

Mujhse ghrina karte hai

Kyunki mere jaise nahi ban sakte

Khud kamjor hai

Khud awaaz nahi utha sakte

Khud lar nahi sakte

Anyay ka pratikar nahi kar sakte

To mujhse bhi yahi chahte hai

Mein bhi unke jaisa ban jaau

Galat dekh chup ho jaau

Dar se kuch n bolu

Mrityu ke dar se muh chhupa lu

Yeh kaisa jiwan hai

Mein aise n ji paau

Gandhi mere adarsh hai

Unke jaisa hi mein ban jaau

Mujhe hinsa pasand nahi

Satya ahinsa hi mere hathiyar

Karunga pratikaar

Apni vaani se

Apne lekhan se

Par chup n baithunga

 Dekhke anyay

Tumhe nahi pasand hu

Jaanta hu mein

Par mein bhi vivas hu apne prakriti se

Jaha bhi galat hoga

Mein awaaz uthaunga

Kisi abla ke sahayata hetu

Mein n ghabraunga

Jaha dekhunga kisike haq ki larai

Mein muh n mor paaunga

Yahi mera charitra hai

Ise hi jiwan bhar nikharunga

Dekh ke anyay

Mein to bolunga

Mrityu ka bhay nahi mujhe

Na mein kisi se darta hu

Mujhe jo sahi lagega

Uske hetu praan dene se bhi n sharmaunga

Mila hai jiwan kisi hetu

Prayojan siddh kar ke hi jaaunga

Aaina mein khud ko dekh paau

Aisa hi dharm nibhaunga

Karm ki bedi pe

Koi bhi kurbani dene se n katraunga

Draupadi ka laaj bachane hetu

Kanha mein ban jaaunga

Fir kisiki beti nirbhaya n ho

Iske liye jaan ki baaji lagaunga

Mera khud se hi sangharsh hai

Dusro se nahi koi pratiyogita

Mujhe dusro ki lakir chhoti nahi karni hai

Khud ki lakir lambi karni hai

Aisa udharan ban jaana hai

Ho jispe mere mata pita ko garv

Ishwar se chahiye bas yahi aashish

Anyay dekhkar muh n moru

Itni shakti dena mujhe

Kar saku hamesha anyay ka pratikar