Azadi

 Azadi azadi

De de mujhe azadi

Kar de mujhko mujhse azad

De de mujhe azadi

Mera soch hi meri becchani

Kaha se laaya ye soch

Mujhe yaad nahi

De de mujhe mere soch se azadi

Mujhe chahiye bolne ki azadi

Tumhein kyu buri lagti hai meri azadi

Tumhe bhi mile sunne ki azadi

Jo tu sunna chahe wo hi sun

Jo nahi sunna chahta hai wo mat sun

Par kyu darta hai

Par kyu ghabrata hai

Par kyu hota hai paresaan

Sach hi Sundar hai

Sach hi antim hai

Sach ko swikar kar

De de mujhe bolne ki azadi

Mein bolna chahta hu

Mein chikhna chahta hu

Mujhe bolne do n jo mein bolna chahta hu

Mein bas wo kyu bolu jo tu sunna chahta hu

Mein wo bhi bolunga jo kisi ko nahi bhata hai

Mujhe hona hai azad

Sab niyam kanoono se

Mujhe hona hai azad kisi aur ke banaye samaj se

Samaj mujhse se hai

Mein samaj se nahi

Dharm mujhse hai

Mein dharm se nahi

Mein kyu maanu kisi dharm ko

N koi dharm bhi to ek dharm hai

Jismein mujhe viswas nahi

Use kyu maanu mein

De do mujhe azadi

Meri jindagi mere niyam

Mera dharm mere bhagwan

Mera dharm mere granth

Mera dharm mere parv

Mein kya maanu

Mein kya n maanu

Ispe tumhara kya adhikar

Jo mere man mein hai mein wo hi maanunga

Tum kon hote ho mujhko gyaan dene wale

Mujhe hona hai azad sab niyam kanoono se

Samaj ke banaye dastooro se

Mein koi niyam nahi maanunga

Apni marzi apni soch ko hi chalaunga

Jo mujhe thik lage

Usko hi kar daalunga

Azadi ke liye tarash gaye hai

Maano andar se bhaybhit ho gaye hai

Har chiz mein hai ghulami

Maano n maano

Chalate hai thekedari

Har baat pe

Mein wo hi khaunga jo mujhe accha lagta hai

Mera jaayeka bhi tum tai karo

Kon deta hai tumko itni azadi

Mein wohi pehnunga jo mera man hai

Mera sharir mere kapde

Tum kon hote ho yeh tai karne wale

Mere kapde ka rang meri marzi

Ab Rango pe bhi apna hukm chalaoge

Holi kaise manaoge

Rang milna sikhata hai

Rang hi anand lata hai

Kon deta hai tumko itni azadi

Rangon ke pasand pe bhi tum chalao apni laathi

Mujhe chahiye bas azadi

Jo mein likhna chahta hu woh hi likhunga

De do itni azadi

Har us bandhan se jo tumne banaye hai

Mera jiwan mera bandhan

Mein kyo tumko maanu

Mera dimaag meri soch

Mera kadam meri chaal

Mera kadam mera raasta

Mere raaste se mein gujrunga

Tum kon hote ho beech mein aane wale

Meri jindagi meri azadi

Tum kyu likhoge meri jindagi ki kahani

Yeh mera haq hai ki kaise mein likhu apni kahani

Aise hi bitani hai mujhe apni jindagni 

De do mujhe bas azadi

Hona chahta hu khud se riha

Tum kon ho

Jo tai karte ho meri azadi

Tum darte ho

Tum darpok ho

Tum bhaagte ho apne sach se

Isliye darate ho dusro ko

Apne dar se

Tum bhi azad ho jao meri tarah

Kyu khuda se milne se darte ho

Dekho apne andar tabhi nikal paaoge is maya ke bawandar se

Mujhe nachna hai mein naachunga

Mujhe gana hai mein gaaunga

Sab raaste un tak hi jaate hai

Chahe le lo koi bhi raasta

Milna hai unse hi

Aur kuch nahi hai is jindagi se waasta

Tum Kon hote ho mujhe samjhanewale

Mera raasta meri manjil

Mere kadam mere raah

Mein jaise bhi pahuncho apni manjil

Tum kon hote ho mujhe batane wale

Meri jindagi mere faisle

Mein hi lunga

Tum hote kon ho mujhe samjhanewale wale

De do mujhe azadi

Maang nahi raha hu

Bas samjha raha hu

Mat aao mere aur hari ke raaste mein

Warna bhavisya tum apna dekh n paaoge

Unki lila pralayankari