Badlaw naisargik hai

 Waqt kaha badla hai

Waqt to waise hi hai

Jaisa tha

Waisa hi rahega

Waise hi badhte rahega

Par badlega kabhi nahi

Badle to hum hai

Badla to hamara najariya hai

Badla to hamara surat e haal hai

Badle to log hai

Badle to logo ke khyalat hai

Badla to logo ka dhang hai

Badla to jeene ka tarika hai

Badla to salika hai

Badla to soch hai

Badla to hai dekhne ka najariya

Badle to halat hai

Badla to mahol hai

Badla to pura vaatavaran hai

Badla to hamara aapka samaj hai

Sach puccho to 

Sab kuch badal gaya hai

Kyunki

Badal gaya hai insaan

Badal gayi hai hamari pravirti

Badal gayi hamari hasrate

Badal gaya hai hamara lalach

Badal gaya hai hamara prem

Badal gaya hai hamara nafrat

Badal gaye hamare rishtein

Badal gaya hamare rishton ke maayne

Badalna to tha hi

Badlega hi

Kuch nahi thahra hai 

Sab kuch badlega hi

Kuch dheere badlega

Pahar sa

Kuch sfurti se

Paani sa

Par badlega jarur

Badal gaye hamare ghar

Badal gaya hamara samaj

Badal gaye hamare mandir

Badal gaye hamare Devta 

Badal gaya hamara dharm

Badal gaye hamare sanskar

Badal gayi hamari sanskriti

Jo kal n tha

Wo aaj hai

Jo aaj hai

Wo kal n hoga

Badlaw hi nishchit hai

Iske anytha sab anishchit

Jo badal paaye

Wohi rahega

Jo n badal paaye

Wo kho jaayega

Prakirti ke apne niyam hai

Badlaw usmein sabse pratimaan

Abhi andhera hai

Kal ujala hoga

Andhera lamba ho sakta hai

Par ujala to aayega hi

Prakirti aise hi chalti hai

Badlaw naisargik hai