Tumhare chehre ka deedar

 Kyu dekhna chahta hu tumhe har pal

Kyu

Aakhir kyu

Kya milta hai mujhe tumhe dekhkar

Pura din intezaar

Kabhi kabhi to mahinon tak

Par kyu

Pata nahi tere chehre mein aisi kya baat hai

Ki dekhte hi mein khud se juda ho jaata hu

Bas tera ho jaata hu

Tumhe bas dekhte rahna chahta hu

Maanta hu gustaakhi hai meri

Tumhare jism se ruh churana chahta hu

Tumhe har pal ji bhar ke dekhna chahta hu

Majboor hu mein

Meri khata nahi hai yeh

Maaf kar do husn e aziz

Yeh kaisi khusi hai

Lagta hai jaise

Khuda ka deedar hai

Kya jaahir karun

Har pal rahta hai bas tera hi intezar

Mere liye tera aana khuda ke istakbal se kam nahi

Tumhare chehre ka noor pina chahta hu

Tumhare husn ke nashe mein behosh rahna chahta hu

Mohabbat to saayad abhi bahut dur hai

Bas tumhari ibadat hi meri maqbooliyat hai

Ek hi jindagi se guzaarish hai

Tum se hi meri Subah ho

Tum se hi meri raat

Tumhare baad mein n milu

Tumse pahle hi khaaq ho jaau

Khuda se itni hi inteza hai

Dil ke liye sukoon hai tumhare chehre ka deedar

Tumhara chehra sharmaya hai mere aankhon ke liye

Palke meri jhuk jaaye kabhi

Sar kalam kar dena is nacheez ki

Aankhein thak jaaye 

Itni meri himakat nahi

Tum kaha se aayi ho

Tumhe kisne banaya hai

Tum hi aisi kyu ho

Tumhari jaisi koi dusri nahi

Dil ko aisa aaram nahi 

Maaf karna mere khuda

Mere is baat pe

Milta nahi mujhe aisa chain aapke ghar ke darwaje pe bhi

Bas unhe dekhte rahu

Aise hi madhosh rahu

Jindagi beeta du unke deedar mein

Itna hi rahmat kar de khuda apne is bande par