Dil lagane se kyu darna

 Unse ijhaare mohabbat kya karna

Jo baarish mein raincoat dhoondte hai

Dil tutne ke dar se dil lagate hi nahi hai

Yeh kya baat hui

Jamindoj to sabko hona hai ek din

Jannat ka khwab  hi nahi dekhenge is dar se

Jina hi chhor denge is dar se

Ki kal kahi maut ko mujhpe dil n aa jaaye

Mohabbat koi waqt nahi ki jaaya ho jaaye

Yeh koi asharfi nahi ki kharch ho jaaye

Dilli tamanna hai 

Jitna aajmaaye 

Utna hi saandar ho jaaye

Jo chaha woh sab mil jaaye

To jindagi mein koi jaayka hi nahi

Tohmat e ishq ke dar se hum dil hi n lagaye

Jyada se jyada barbaad ho jaayenge

To kon sa unke bina meri jindagi abaad hi hai

Mohabbat hi to hai koi jurm thore

Ki mujrim hone ke dar se gunaah hi n karein

Dil lagana kya itna bura hai ki

Dar se unka Husn e deedar bhi n karein

Ki mohabbat ko kahi sharmindgi n uthani pade

Yeh ishq hai koi shauda thore

Ki harne ke dar se dil ki baazi hi n lagaye

Yaha n koi haarta hai n koi jeetta hai

Bas girta hai unke pyaar mein

Dil baccha hai

To girne ke dar se daude hi nahi

Mujhe ae ishq 

unke husn ka qaatil bana de

Chahe unse mohabbat ko mera jurm hi samajh le

Mujhe sar fira hi maan le

Par fir bhi husn ke bazaar mein apna dil aajmaaunga