Duniya kyu banaye

 Kyu duniya banai aapne

Jarurat kya thi is duniya ki

Duniya banayi bhi

To insaan kyu banaye

Jarurat kya thi

Jinda to per bhi hai

Jinda to jaanwar bhi hai

Fir insaano ko jinda karne ki kya jarurat thi

Asal mein to mare hue hai

Jaanwar se bhi badtar hai

Soch hai itni ghatiya inki

Saari duniya se bas lete hai

Dete kuch bhi nahi

Barbaad to sab kuch kar rakhe hai

Jo kuch banate hai wo bhi kuch tabah karke hi

Per(Trees) itna kaatein hai ki ab inke hone pe hi ban aayi hai

Jaanwar itna maarein hai ki

Ab inki jarurat pura karne ko bache hi nahi

Puri prakriti tahas nahas kar di hai

Ki Prakriti asantulit ho gayi hai

Pradushan to inki soch mein hai

Wo hi to duniya mein faila rakhein hai

Paani,mitti,hawa

Ab kuch bhi nahi bacha hai

Duniya ganda kar rakha hai

Har taraf kachra hi kachra hai

Kabhi kachre ko samudra mein fekte hai

To kabhi nadi ganda karte hai

Jameen ke niche thus dete hai

To kabhi hawa mein gandh failate hai

Inka aisa hi hai nirmaan

Nirmaan ke picche itna vidhwansh

Aur nirmaan ke baad to atividhwansh

Isko hi srijan samajhte hai

Aise hi gyaan pe dambh bharte hai

Aisa murk prani pure brahmaand mein n mil paayega

Ek bhi jiw iske alawa

Jo itna gandh failaye

Hai kiski itni majal inke siwa

Ki jis daal pe baithe use hi kaatein

Puri Dharti kar rahi pukar

Macha hai charo taraf hahakar

Kuch bhi bacha nahi insani laalach se

Sabh kuch khatam kar ke hi manenge

Ek dhur bhi jungle n bach paaye

Ek per(tree) bhi kahi n chhut jaaye

Puri jor aajmaish hai

Kuch bhi nahi rahne denge

Insaani lalach ke liye sab kurbaan kar denge

Maa Dharti ke khajano ko aise lut rahe 

Jaise fir nahi rahna hai is Dharti pe

Mangal hai inka agla lakshya

Waha ki dharti maa abhi se hi shasankit

Abhi se hi kampit

Yeh manav waha kya kya basayenge

Aur mangal ko bhi amangal n kar de

 Pura brahmaand isliye hi to chintit hai

Dharti ke andar chhipe sab khajane lut rahein

Neeche andar hi andar khaali jagah bana rahe hai

Kabhi sehar dhas rahein hai

To kabhi pahar darak rahe hai

Kahi badal fat rahe hai

To kahi baadh sab kuch samet rahe hai

Kahi bhuskhalan hai to kahi jameen ke andar kuch nahi

Kahi chakrwaat to kahi tsunami

Kar rahe hai vatavaran garm

Barf pighal rahe hain

Aur sehar doob rahein hai

Khud ke laalach mein Khud ko hi maar rahein hai

Jab tak sab nipat n jaaye

Yeh n manenge

Karke duniya barbaad hi yeh ruk paayenge

Laalach itni jyada hai ki sampurn brahmaand bhi santust n kar paaye

Pata nahi itni jarurat bhi hai kya

Iska hisaab kon lagaye

Bhagwan to thak gaye

Hamari kya majal hai

Par kon samjhaye inko

Jo samjhaaye inko

Usko hi dushman maan lete hai

Viprit soch ko sah nahi paate hai

Jo bhi raastein mein aaye use hata dete hai

Insaan eklauta jaanwar hai jo hatyara hai

Shaukh ke liye hatya karta hai

Itna samajhdaar ho gaye hai

Ki inki samajhdaari pe hi hasi aa jaaye

Pata nahi kya kya sikh liye hai

Par jiwan ka mul bhi nahi samajh paaye hai

Propkar se bara koi punya nahi

Aur kisi ko pida pahuchane se bada koi paap nahi

Pata nahi kya kya bhram failaye hue hai

Ishwar ko bhi baccha

Aur khud ko bramhand ka sarwesarwa maan rahe hai

In unmadiyon ko kon samjhaaye

Puri duniya gyaan se bhari pari hai

Pura brahmaand hi gyaan hai

Yeh kuch pustak mein bhare apne hi khokle soch ko sach maan rahe hai

Usse hi brahmaand ka matlab nikaal rahe hai

Itni hasi aati hai inka dambh dekhe

Insa murkh n hoga kabhi is brahmaand mein

Yeh chatur praani hai ya murkh

Is sansay mein hi hai sampurn brahmaand

Pure murkh 

Pure jaahil hai

Apna alp gyaan pe itna itrate hai

Ki bhukamp kab aur kaha aayega

Yeh bhi bata nahi paate hai

Has has ke mera itna bura haal

Pata nahi Devtawon ka kya hota hoga 

Chale hai prakriti se larne

Khud se hawa ka rukh bhi nahi mor paate hai

Ek baadh pe niyantrit kar le

To mein maan lu

Roj haarte hai

Phir bhi itne murkh hai ki 

Koi sabak nahi lete hai....