Ek din aur beet gaya

 Aaj fir saam hui

Suraj dub gaya

Ek din aur beet gaya

Anubhav ka ek din aur juda

Itna hi kuch khaas hua

Jiwan ki gaari yu hi chalti hai

Ek din

Aur ek din

Aise hi badhti jaati hai

Jiwan ghat-ti jaati hai

Mrityu ke pass pahuchti jaati hai

Aaj ka din bit gaya

Khud kismat samjhu khud ko

Ya badnaseeb

Ek aur din ji liya

Ya jiwan mein ek aur din ghat gaya

Warna kisko kya hai khabar

Kal ho n ho

Jiwan to bas anubhav ka sansaar hai

Ek yaatra hai

Jo kab tak chalegi

Iska koi thaah nahi

Kal fir subah hogi ya nahi

Kisko pata

Agar ho bhi gayi

To kya kuch khaas ho jaayega

Ek aur din beetega

Anubhav ka ek aur din judega

Jiwan ka yatra vritant badhega

Kya safalta 

Kya asafalta

Kya paana

Aur kya khona

Sab hai yeh mrig trishna

Ya kah lo jiwan ki maya

Karma mahtwapurna hai

Karm hi puja

Rakho aastha karma mein

Karma hi naseeb badalne wala

Sanchep mein kahu to

Iske sesh kuch bhi nahi

Acche karma karna hai

Vyarth ki chinta nahi

Jo hoga dekha jayega

Bhavishya ke garbh mein hai

Bhavishya mein hi samjha jaayega

Vartaman pe dhyan kendrit karo

Vartaman ko hi behtar banana hai

Jo bit gaya

Uspe ashru nahi bahana hai

Aaj fir saam hui

Ek din aur beet gaya

Anubhav ka ek din aur juda

Jiwan to gyaan hai

Anubhav ka sansar hai

Har din naye prasno se mulakat hai

Unka uttar dhoondna hi jiwan ka uddeshya hai

Kabhi uttar milte hai

Kabhi unsuljhe hi rah jaate hai

Naye naye prashnon se milna hi jiwan ka swaad hai

Unke uttar dhoondna hi jiwan ka darshan hai

Kon kitna bada darshanik ban paaya hai

Yeh to samay nirnay karega

Par samasyain aayein jiwan mein kitne bhi

Muskurate hue hi jiwan jina hai.....