Ek dusre ko kho diye

 Mein kuch bol nahi paata hu

Use bura lag jaata hai

Kuch bhi bolu use

Use bura hi lag jaata hai

Fir woh mujhse thora thora rukha ho jaata hai

Mein paresaan ho jaata hu

Idhar kuch aisa hi alam hai

Baatein kam hoti hai aaj kal

Saayad dur hona chahta hai mujhse

Naye dosto ki talaash mein hai ab woh

 Saayad mujhse kinara hona chahta hai

Beman hi mujhse baatein karta hai

Beman hi mere saath rahta hai

Saayad use ab mein utna accha nahi lagta hu

Mujhse kuch kahne mein katrata hai

Dar hoga ki mein kuch itar n bol du

Uske sach pe sawal n kar du

Par aisa sach kya jo kisise paresaan ho jaaye

Kam bolne laga hai

Ab Meri baaton pe kaha muskurata hai

Thitholi to dur 

Chehra thand hi rahta hai

Itne kamjor kyu hai rishte hamare

Ki jara si baat pe naye rishte ki justju mein nikal parte hai

Pata nahi yeh daur hi alag hai saayad

Warna itni si baat pe kinara kon karta hai

Mein kaise kuch bolu use

Use bura lag jaata hai

Ab to itna dar hai ki

Mein kuch bolta hi nahi

Sach ki kya baat karu

Jhooth bhi bolne mein darta hu

Pata nahi use kon si baat chubh jaaye

Aur wo mujhse alag ho jaaye

Isi baat se mein darta hu

Chehra to mein apna bhul chuka

Yaad nahi mein kaisa dikhta hu

Har waqt naye mukhote mein rahta hu

Mera jhooth hi tumhe pasand hai

To sach mein kyu bolu

Dil tera kyu dikhau

Tujhe tis kyu pahuchau

Aisa sach kis kaam ka

Jo apno se juda kar de

Rehne deta hu mukhota hi

Mera chehra kuch jyada saccha hai

Khayalat alag ho sakte hai

Aur kyu n ho

Tabhi to jeene ka lutf hai

Sab kuch ek sa hi ho

Nahi jachta hai mujhko

Soch nahi mil sakte hai

Ismein harz kya hai

Tum kisi aur ko maante ho

Isse mujhe kya

Tum kisi aur ko pujte ho

Yeh tumhara man hai

Mujhe usse kya

Par saayad tum isi wajah se akele ho

Tumhe apne khuda pe naaz hai

Aur mere khuda tumhare liye nachiz hai

Khuda to ek hi the

Khuda to ek hi hai

Bas bande khuda banne ke firaq mein hai

Woh apne khuda ko itna chahte hai ki khud ko khuda se bhi khuda samajhne lage hai

Khuda ka hi nafarmani karne lage hai

Warna aise koi khuda nahi

Jo dusre ke khuda mein nahi

Saayad isi wajah se tum naye dosto ki talaash mein ho

Tumko kyu laga hi mujhe tumhare khuda se takalluf hai

Tum jaise ho

Waise hi mujhe bhi samajhte ho

Mujhe n apne khuda se koi shikayat hai

N tumhare khuda se koi ranjish hai

Sab to wahi milenge

Jaha se aaye hai

In baaton mein kya itna asar hai ki tumhare mere darmiyan itna kasak hai

Kaise samjhau ki pahle bas hum tum the

Baad mein bhi bas hum tum hi honge

Bhul gaye ho saayad bachpan ke wo din

Bachpan mein kaise hum tum saath the

Saath hi khaate the

Saath hi peete the

Saath hi khelte the

Saath hi rahte the

Khub larte the

Sar se paaw tak jujhate the

Par Kaha kisi saam alag hote the

Saath hi to rahte the

Wo hi behtar tha

Acche the wo din

Pyaare the wo din

Bas pyaar tha hamare tumhare darmiyan

Mohabbat bharpur tha

Kyu itne samajhdaar ho gaye hum tum

Kyu samajhne lage itna jyada

Ki ek dusre ko hi pehchanne lage

Ek dusre ko alag samajhne lage

Meri soch alag hai

Tumhari soch alag hai

Mere khayal alag hai

Tumhare khayal alag hai

Itne alag ho gaye ki

Ab Mere raaste alag hai

Tumhare raaste alag hai

Tumhari manjil alag hai

Meri manjil alag hai

Ki hum tum ab ek ho hi nahi sakte

Pata nahi kya paayege hum tum apne apne raaste pe

Par ek dusre ko kho diye yeh jarur hai...