Gandhi se sikha hai

 Mujhe hinsa se prem nahi

Mujhe Gandhi se prem hai

Mujhe Gandhi jaisa hi ban-na hai

Mujhe Gandhi jaisa hi dikhna hai

Mujhe Gandhi ke batayein raaste pe hi chalna hai

Mujhe Gandhi ko hi pujna hai

Tumhe Godsey ko pujna hai

Godsey ko hi pujo

Mujhe usse koi dikkat nahi

Mere Gandhi ne mujhe yahi sikhaya hai

Mujhe kisi se bhi koi ghrina nahi

Prem hi ishwar ko paane ka madhyam hai

Prem hi ishwar hai

Prem ko jiwan bana lo

Bas itni hi Gandhi ki vinti hai

Satya ahinsa ko n bhi maano

Par prem to kar hi lo

Jiske hriday mein prem n ho

Aisa koi prani nahi

Mujhe hathiyar nahi chahiye

Kya karunga mein astra aur sastra se

Prem hi mera hathiyar hai

Satya aur ahinsa par mujhe viswaas hai

Mujhe hinsa se prem nahi

Goli bandook meri soch nahi

Kisike hatya mein mera viswaas nahi

Paapi laakho baar mar sakta hai

Paap nahi

Gandhi nahi marein hai ab tak

Gandhi mar sakte hai

Gandhi ke vichar nahi

Unke vichar amar hai

Kar rahe hai abhi bhi 

Hamein margdarshit

Aisa shristi ke samapt hone tak bhi n ho paayega

Jab tak hriday mein prem hai

Gandhi uske aas pass hi hai

Mujhe mere soch se prem hai

Mujhe mere soch pe bharosa 

Bol sakta hu

To kyu n bolu

Muh se virodh kar sakta hu

To bandook kyu uthau

Bolenge nahi to rokenge kaise

Karenge kaise anyay ka pratikar

Par jaan le yeh duniya

Mere Gandhi nahi dete vaicharik hinsa ki bhi shikhsha

Mera vacharik hinsa se bhi parhej hai

Mujhe bolne mein hi

 ugrata pasand nahi

Virodh ka matlab kisiko gaali nahi

Kisi ko kasht deke uske hriday mein parivartan nahi

Likhna aata hai mujhe

Apne sabdo pe hai mujhe bharosa

Mere sabd saksham hai

Andhere mein diya jalane ko

Virodh prakat karne aata 

hai

Virodh prakat karunga

Jo baat nahi hai mujhe pasand

 Uske khilaaf to likhunga

Jaanta hu tumhe pasand n aayega

Mujhe iske liye khed hai

Par fir bhi mein likhunga

Nahi likhunga to rokunga kaise anyay

 karunga kaise anyay ka pratikar

Par sabdo ke prayog ki sima hai

Sabdo ka darupyog nahi

Sabdo se tumhe aaghat nahi

Meine Gandhi se seekha hai

Mera koi niji swarth nahi

Mera kisi se koi narazgi nahi

Mera kisi se koi vivad nahi

Nafrat nahi hai mujhe tumse

Na hi ghrina karna chahta hu

Paap ka satya jaanta hu 

To paapi se ho kyu koi ghrina

Paap to bas man ki avastha hai

Bas paristhitiyon ka parinaam

Soch ki vikriti hai

Parinaam ka nahi rahta dhyan

Kuch ko ugrta accha lagta hai

Hinsa mein hai unko viswaas

Par hinsa nahi hai koi ilaaz

Yaad rakhna

Hinsa se hinsa utpann hoti hai

Krodh se krodh

Badle ka koi ant nahi

Yeh soch hai arthhin

Aur alpakalik

Paripakvata ki hai kami

Gandhi se sikha hai meine

Pratikaar hai aavashyak

Mrityu ka bhay n rakhiye

Jiwan se jyada moh sahi nahi

Gandhi ne bhi Gita se hi sikha tha

Gita dikhata hai raasta

Aatma mar nahi sakti 

Sharir hai bas maya

Moh bandhan mein bandhke

N ho apne karma se vimukt

Karmyudh mein ho sanlagn

Karm karte jaa

Fal ki chinta mat kar

Vyarth ke moh mein aasin hoke

Satya se n ho vimukh

Apna dharm nibha

Jag mein jiwit rahne se kya faayda

Jab aatma ho gayi ho mrit

Vir purush marte hai ek baar

Kayar to baar baar

Mrityu ka bhay n rakh

Aatma hai nashwar

Aatma n janam leti hai

N hoti hai mrityu ko prapt

Bas purane sharir ko chhor

Karti hai dharan naye kaya ko

Chandan kab apna charitra badalta hai

Chahe lipte rahe lakh bhujang

Duniya paapiyo se paapi nahi

Satdharmi ke kayarta se

Tu veer hai

Kar virta ka pradarshan

Karke anyay ka virodh

Apne karm ki tushti kar

Tu purush hai

Pursharth hai tera charitra

Karm hi puja hai

Karm se n ho vimukh

Kar pratikar anyay ka

Tabhi hogi dharti paap se mukt