Hawa mein khoon ki mahak hai

 Hawa mein khoon ki mahak hai

Pata nahi kiski dastak hai

Dil mein baitha hai dar

Kahi kuch honewala to nahi

Aise to hum nahi the

Kuch the

Par sab nahi the

Pyaar se hi dar ho gaya hai

Nafrat se hi pyaar ho gaya hai

Pyaar pe raha nahi ab bharosa

Nafrat se hi ho gaya hai pyaar

Nafrat se dar mita rahe hai

Jisse dar hai

Saayad use hi mita rahe hai

Par kitno ko mitayenge

Saayad sab ko hi

Tab raaj kinpe karenge woh

Yeh unko maloom nahi

Sab mit jaayenge

Accha hi hai

N darenge

N darayenge

Khali duniya mein jashn manayenge

Kyu bolte ho yeh baat

Dar ko paar kar ke hi milti hai jit

Yaha to dar se hi jit hai

Dar hi jit gaya hai

Nafrat badh gaya hai

Dar se daranewale itne badh gaye hai

Gandhi ke desh mein

Pyaar se dil jeetne wale rah hi nahi gaye hai

Kya ummid hi ki jaaye

Pyaar se dil thukrana ab jaayaj hi nahi

Dil thukranewale ko ab duniya mein rahne ka haq hi nahi

Kisi ko na sunne ki ab aadat nahi

Jaisa mahol ho waisi hi baaton se ji bhara jaaye

Yahi is naye duniya mein jeene ki taabiz hai

Hawa mein khoon ki mahak hai

Pata nahi kiski dastak hai

Abhi to nahi lagta hai

Is raat ka koi ant hai

Par aisa kya hai jo nahi badla hai

Yeh bhi waqt beet jaayega

Ghari pe khub bharosa hai

Nafrat se kuch bhi haasil nahi

Yeh bas kuch dino ka fasana hai

Bewafa ka aana jaana hai

Yeh aaye the pahle bhi

Fir aaye hai

Fir aayenge bhi

Par n kabhi tike the

N kabhi tik paayenge

Mohabbat mashroof hai aajkal kahi aur

Pata nahi kiske saath hai

Hamare dil mein to nahi hai

Bewafa ki kya hi baat ki jaaye

Hawa mein khoon ki mahak hai

Pata nahi kiski dastak hai

Nafrat hi bhar gayi hai dil mein

Pyaar se man bhar gaya tha rupesh

Saayad kuch alag karne ka shaukh tha

Aag se tilli jalane ka kuch naya hi alam hai

Tilli to jalegi hi

Par fir kabhi aag hi n lag paaye

Maut ka aisa tamasha humne kabhi nahi dekha

Maut to ek baar hoti hai insaan ki

Ruh ke janaje uth rahe hai kai baar

Kai baar uth gaye hai

Abhi kai baar aur uthenge

Rasta hi galat chun liya hai

Baccho ke shaukh hai

Bado ko kimat deni hi paregi

Pata nahi kis kitaab ko padhnewale hai

Kon se bhagwan ko mananne wale hai

Kon sa dharm yeh sikhata hai

Nafrat aur dar

Yahi bas unko samajh aata hai

Saayad picche se aage padhne wale hai

Maut accha lagta hai inko

Khoon ki mahak bhaati hai inko

Jindagi mein maza hi nahi aata inko

Jab tak koi fasaad n kara de

Nafrat hi mukammal raasta lagta hai inko

Nafrat pe bahut bharosa hai

Pyaar se kuch hota nahi

Aisa inka maanna hai

Maar do Gandhi ko

Jo Sabko pyaar sikhata hai

Har daal ko kaat do jismein saap ho

Kitne daal kaatoge

Ab to per bhi nahi

Par saap to hai hi

Insaan mit jaayenge

Dar to rahega hi

Kis kis ko daraoge

Kis kis ko mitaoge

Khud se dar ka kya 

Kya ek din khud ko hi mitaoge

Ek ajeeb si ghabrahat hai

Dil mein sukoon nahi

Sab kuch paresaan hai

Fizaon mein becchani hai

Yeh kab tak chalega

Iska koi andaaza nahi

Par abhi to chalega hi

Is raat ki subah itni jaldi nahi

Ek hi yaar se roj ishq har kisi ka shaukh nahi

Kuch ko to bewafai se hi ishq hai

Naya naya josh hai

Naya naya khoon hai

Aajmaish ho rahi hai

Bhir ka sahara hai

Vidhwansh to hona hi hai

Bhir jo bekaabu hai

Par fir badlega hi

Jaise pahle bhi badla hai

Lekin abhi to hawa men khoon ki mahak hai

Pata nahi kiski dastak hai

Kya jaruri thi duniya ki

Khuda ko insaano se khelna bahut pasand hai

Dekh tamasha hamara

Saayad woh bhi khush hote hai 

Kya paaya hai unhone duniya banake

Yeh woh hi jaante hai