Jab aisi hawa aur pani thi

 Jabse inverter laaya hu

Garmi kya hoti hai

bhul gaya hu

Pasine ki mahak kya hoti hai 

Yaad nahi

Bahut dino baad

Khidki ke pass gaya tha

Subah ke 3 baje the

Woh purani mahak fir yaad aa gayi

Mujhe garmi yaad aa gayi

Ajib sondhi si mahak thi woh

Ab nahi milti mujhe

Kyunki bahut dino se

Khidki ke pass nahi gaya hu

Inverter jo le aaya hu

Man mein wahi sawal hai

Pankhe ki hawa jyada behtar hai

Ya khidki se aanewali hawa

Kismein jyada sukoon hai

Andar wali hawa mein

Ya bahar wali

Bahut pahle gaon jaata tha

Subah ho ya saam

Ek hi hawa hota thi

Bas baharwali

Chapakal ki paani

Jitna chalao utna thanda paani

Wo swaad nahi mila dobara

Ghum aaya jag saara

Pata nahi khusi kuch alag si chiz hai saayad

Kismat walo ko hi nasib hoti hai

Koi kho ke bhi sab paa liya

Kisi ne sab paa ke bhi kho diya

Kya khoya kya paaya

Bas man ki maya

Inverter hai

Ac,cooler,pankha sab hai

Par woh hawa nahi

Filter,freeze sab hai

Par woh thanda paani nahi

Air purifier hai

Par woh mehak nahi

Suvidha hai

Par tripti nahi

Kuch kho diya hu

Kuch bhul gaya hu

Jindgi kahi chhut gayi hai

Ab woh mere pass nahi

Bas saans le raha hu

Jina to kabke chhor chuka hu

Gaon to mit jaayenge jaldi hi

Bas sahar hoga

Sahar ka vatavaran hoga

Jaha sab kuch hoga

Par apnapan nahi hoga

Hawa aur paani ka jaadu

Kitabo mein hi rah jaayega

Maila paani aur hawa

Sahar ki pehchan hogi

Pata nahi aanewali duniya kaise hogi

Mein to mahsus kar sakta hu

Yaad kar sakta hu

Par aanewali duniya

Viswas bhi nahi karegi

Ki aisi hawa aur pani kabhi hamare pass thi....