Jaha hu wahi ruka hu

 Samay nikla jaa raha hai

Subah se sham

Saam se raat

Phir agli subah

Aise hi saal beeta jaa raha hai

Mein wahi ke wahi para hu

Kuch bhi naya nahi hai

Jindagi thahar si gayi hai

Sajaye the itne saare khwab

Lagta hai khwab hi rah jaane hai

Chhuna tha kai mukaam

Ghar se nikla hue bhi jamana ho gaya hai

Aankhon ke sammne hi

Khwab dahte jaa rahe hai

 Lag raha hai mere kadam ret mein dhas gaye hai

Badhna to dur

Nikal bhi nahi paa rahe hai

Subah bhi alsayi hui hai

Saam bhi ruka hua hai

Sab kuch thama hai jindagi mein

Dhoond raha hu koi bhi sira

Jise pakar ho jaau riha...

Nahi dikh raha hai koi bhi raasta

Wahi ke wahi khara hu

Do rupaye ki naukri mein apni jawani neelam kar raha hu

Yu hi waqt barbad kar raha hu

Jaanta hu gaya waqt fir n aayega

Murjhaya phul fir n khil paayega

Yeh jo umr hai josh ka

beeta jaa raha hai

Jawani aur rawani

masmaar ho rahe hai

Kal n rah paayega yeh daur

Yeh daur beet jaayega

Gaya hua waqt fir laut ke n aayega

Haath pe haath dhare tamasha dekh raha hu

Ya khud hi ek tamasha ban gaya hu

Kuch nahi kar paa raha hu

Pata nahi kis maaya se ghir gaya hu

Khoi kismat kaise jagau

Aise hi waqt jaaya kar raha hu

Kahi waqt bhi n ruth jaaye mujhse

Waqt hi mujhe barbaad kar de

Khauf hai to mujhe

Ki apna samay barbad kar raha hu

Par himmat nahi ki khud se lad saku

Khud ko yaha se nikaal saku

Aalas se bhar gaya hu

Pata nahi kaise moh mein fas gaya hu

Bina nikle ghar se

Manjil tak kon pahucha hai

Kar ke waqt jaaya 

Kon samay se pahuch paaya hai

Fir bhi kismat aisi futi hai

Sab kuch samajh ke bhi nirnay nahi le paa raha hu

Ghar se nahi nikal paa raha hu

Pata nahi kab tak aise chalega

Apne barbaadi ka manjar khud hi dekh raha hu

Intezar aur intezar mein

hi samay nikla jaa raha hai

Meri ruthi kismat kab maanegi

Aisa hi alam raha to

Kahi kismat ka suraj doob n jaaye

Mein jaha tha

Wahi n rah jaau.....