Jeeyenge apni marzi se

 Andhere ko bura n lag jaye

Isliye diya n jalaye

Kahi pani ko bura n lag jaaye

Isliye naav hi n chalaye

Kahi aasman ko bura n lag jaaye

Isliye udna hi chhor de

Kahi hawa ko bura n lag jaaye

Isliye saas hi n le

Kahi bistar ko bura n lag jaaye

Isliye sona ki aadat hi n rakhein

Logo ko kahi n bura lag jaaye

Isliye sach hi n bole

Mujhse nafrat karne walo ko bura n lag jaaye

Isliye jina hi chhor de

Kahi mere dushman ko bura n lag jaaye

Isliye waar hi n karein

Logo ko to bura lagega hi

Jo ham sach bole to

Logo ko to khalega hi

Jo unke hisab se n chale

Logo ko aakhon mein to chhubega hi

Jo ham unse kuch alag kar paaye

Logo ka dil to irsha se bhar hi jaayega n

Jo ham unse aage nikal jaaye

Unka dil to jalega hi

Jab ham woh kar de

Jo unse kabhi ho hi n paaye

Logo ko bilkul gawara nahi

Jo ham unke banaye andhe niyam ko n maane

Hum to wahi maanenge 

Hum to wahi karenge

Jo humko thik lage

Hum auro ke banaye raaston pe nahi chalte

Khud ka raasta chunke

Apni manjil tak pahunchte hai

Logo ko aakhon ka kata bante hai

Par jo hame thik lage

Wohi ham karte hai

Logo ko paresaan hone ke dar se

Hum chup nahi baithenge

Jo galat hai

Uske khilaaf bolenge hi

Uske khilaf likhenge hi

Uske khilaf ladenge hi

Ham naye jamane ke log hai

Hamara andaaz thora alag hai

Kisi ko kitna bhi bura lage

Ham jeete apni marzi se hi...