Jiwan se shikayat kaisa

 Ab mujhe bhi shikayat hone lagi hai is jindgi se

Meri aadat n thi aisi

Par ab mujhe bhi shikayat hone lagi hai is jindgi se

Saayad sangat ka asar hai

Ya bachpana abhi bhi baaki hai

Ki fir mujhe shikayat hone lagi hai is  jindgi se

Jindagi se shikayat ka kya matlab

Shikayat se kuch nahi badalta hai

Badalta hai kuch karne se

Rone se bhagya nahi badalta

Kis-se shikayat hai tumhe

Kon hai yaha jis-se shikayat hai 

Halato se kya shikayat

Yeh tumhare bas mein thore hai

Ise tum saayad nahi badal sakte

Jo tumhare bas mein hai

use to badlo

Sabka kismat ek sa nahi hota

Sab chandi ke chamach ke saath paida nahi ho sakte

Phir is baat se mayoos hona kyu

Tumhare kismat mein jo tha wo tumhe mila

Jo jiske kismat mein tha wo use mila

Yeh hamare tumhare bas mein nahi

Ispe aasun bahake kya milega

Kuch karna hai to khud se laro

Khoon aur pasina ek karo

Halato ko majboor kar do

Hawa ke rukh ko mor do

Jindagi ka yahi to mazaa hai

Basti se hi to hasti aate hai

Bina sangharsh ke jiwan ka anand kaha

Bina mehnat ke fal mein mithaas kaisa

Khud ko upar uthao

Paristhitiyon pe vilaap karna chhor do

Halat ko apne mutthi mein kar lo

Khud ke kismat ka raja ban jaao

Jindgi se shikayat kaisa

Halat pe rona kyu

Tumhari kismat tumhare haath mein 

Apne bhagya ka vidhata bano....