Jo chale gaye woh kaha mile

 Kon aaya kon gaya

Kise yaad hai

Jindgi mein safar mein sab kho gaya

Yu hi jindgi chalti hai

Aur kuch saath bhi nahi rahta hai

Chhor ke aage badhna

Aage aage badhte rahna

Jo n badh paaye

Wo saath n rah paaye

Jindagi isika naam hai

Sabko aise hi jina parta hai

Sabka samay hota hai

Uske baad woh nahi hota hai

Jiwan se

Koi gila nahi

Koi shikwa nahi

Yahi to safarnama hai

Har mor pe log milte hai

Har mor pe log milenge

Agle mor pe koi aur

Mil ke fir bicchenge

Yaadein chhor jaayenge

Par bhul ke unhe

Aage to badhna hai

Jiwan isika naam hai

Aise hi jina parta hai

Hamare bas mein kuch bhi nahi

Waqt ka pahiya aise hi badhta hai

Tu waqt ke saath hi chal

Ulti disha mein tairane walo ko dubna hi parta hai

Kuch chhut gaya

Chhutega hi

Dil mein ghaw dega hi

Par aage to badhna hai

Samay ke saath chalna hai

Jo ruk gaya 

So kho gaya

Paani ko to bahana hi parta hai

Rukne pe to paani paani nahi

Malin ho jaata hai

Log biccharte hi hai

Biccharne ke liye hi milte hai

Thora dard bhi hota hai

Dil mein kasak hoti hai

Ki kaash saath hi rah jaate

Par jo ho nahi sakta

Uske baare mein sochna kyu

Prakriti ke apne niyam hai

Hum unse alag nahi

Jo chhut gaye

Woh kaha mile

Jiwan ke raah mein aise kai mor aaye

Sabse pyaara dost kho diya

Jinhe kal tak jaante bhi n the

Aaj wo sabse nyaare ho gaye

Jo chale jaate hai

Unke picche kon hai rota

Jiwan hai lagatar

Ise to jina hi parta hai

Jiwan hai nisthur 

Jiwan ha hriday kathor

Bhavanaon ke liye nahi koi sthan 

Laakh dukho ko chhorkar

Paristhitiyon ko bhulkar

Apne pyaro ko tayagkar 

Jiwan path pe hona hota hai agrasar