Khidki ke bahar ki duniya
Saal dar saal khidki ke bahar dekhta raha
Un raaston pe tak taki lagaye rakha
Rahgiron se pyaar ho gaya
Raasta apna sa lagne laga
Suryoday aakhon ke saamne hota
Suraj yu upar chadhta
Raaston se log gujarte
Mujhe dekh kabhi muskurate
To kabhi haste
Kabhi sharmaate
To kabhi ghabraate
Kabhi chaukte
To kabhi gussate
Sochte saayad bekar hai
Bekar nahi
Naseeb ka maara hu
Kya kahu
Tanha aur akela hu
Sab chhut gaye jindagi ke rah mein
Sab mujhe bhul gaye sahar ke bhid mein
Apne bhi apne kaha rahe
Ugate ko hi sab pucchte hai
Dubte se sab kinara kar lete hai
Par saayad duniya ka yahi dastoor hai
Jo ruk jaate hai
Wo kho jaate jai
Kitaab hi ek sahara tha
Khoi kismat ko jagana tha
Par chun ke galat rah fas gaya tha
Aage bas andhera tha
Itna akela tha ki man ka soch bhi sachha lagta tha
Un rahgiron ko dekh har din naya kahani bunta tha
Puraane kahani bhulta tha
Naye kahani gadhta tha
Aaspass ke saare charitra yaad ho gaye the
Kon kaha se aata tha
Kon kaha jaata tha
Unka dincharya mujhe yaad jubaani thi
Kab kon jaata tha
Kab kon aata tha
Yeh sab mujhe yaad tha
Kon kiske saath aata tha
Kon kiske saath jaata tha
Sab yaad ho gaye the mujhe
Kon kya laata tha
Kon kya le jaata tha
Saal dar saal aise hi beete the
Un raaston se guzre raahgir yaad ho gaye the
Un kahaniyon mein khud ko paata tha
N chah ke bhi unka hissa ban jaata tha
Mujhe baccha samajh muskaate the
Jaanke apne sach ko
Duniya se chhipata tha
Kitna bara abhineta tha
Yeh to dono ka dil hi jaanta tha
Wo kaise din the
Wo kaisi duniya thi
N chahate hue bhi sabke jiwan ka hissa tha
Bhale kalpna hi the
Par tab to wohi sach tha
Sabke jiwan ki ghatti ghatnayon ka mein sabut tha
Aankhon hi aankhon mein sab kuch samajh jaata tha
Subah koi doodh lene jaata
To koi baccho ko school pahuchata
Koi school jaata
To koi office
Mein apne kitabo ko niharta
Apne kismat se ladta tha
Kaio ki saadi hui
Uska mein barati tha
Aaj unke bacche school jaate hai
Un baccho ko kya pata
Ki mein bhi us din bahut khus hua tha
Jis din woh nanhi gudiya pahli baar is duniya mein aayi thi
Mein un sab ko jaanta hu
Woh saayad mujhe nahi jaante
Makan ab bhi hai
Bas naye kirayedar aa gaye hai
Kuch to pahle jaise hi hai
Par mein bhi ab waha kaha
Bahut dino baad jaa paata hu
Kuch pecchane chehro mein apna purana sach dekh paata hu
Kuch chehre mujhe bhi pehchante hai
Bas itni hi tasalli hai
Ki kuch ke dil mein itna to jagah bana paaya hu
Bhale pagal hi samjhe
Par is akele ko koi jaane
Yeh bhi koi kam nahi
Puccho mere dil se
Mere aankhon mein dikh jaayega
Samay badalta hai
Kuch bhi nahi thaharta is duniya mein
Mein bhi badal gaya
Mera samay bhi nikhar gaya
Aaj mein woh nahi
Jo kal tha
Par jo sach mere andar hai
Usse mein bhaybhit nahi
Pyaar karta hu apne atit se
Jaanta hu mein
Aisa eklauta nahi hu is duniya mein
Kai rahgiro ko mein apna dil de baitha
Unhe bhi malum tha
Ki yeh ishq mukammal hogi nahi kabhi
Koi subah 7 baje jaati
To koi 9 baje
Koi ek ghante baad hi aa jati
To koi saam tak tadpati
Kitna hasin tha unse ishq
N kuch paana
N kuch khona
Bas tere hone ka ehsaas
Jaadui tha woh intezaar
Jo pura hota tha unke deedar se
Deedar e husn kya majra hai
Aaj bhi yeh dil samajh nahi saka hai
Milte the aankhen
Unka bhi kya lahja tha
Samajh jaati thi saari baatein
Unka intezar hi mera jeena tha
Dil mein utarti thi
Pata nahi unhen kya milta tha
Mere pagalpan ko khush karke
Samay se woh itne paaband the
Mere intezaar ke kayal
Nahi karta koi is duniya mein
Kisika intezaar
Saayad wo bhi nahi kar sakte is sach se inkaar
Isko hi woh bhi saayad mohabbat samajhte the
Warna itna becchan nahi dikhte
Nahi jaante woh aaj kaha hai
Mujhe to yaad hai unki haya
Mujhe to yaad hai unki wafa
Saayad woh bhul gayi ho mere intezaar ka afsana
Gaflat mein hi jeete the hum
Purani aadat hai meri
Unka pata nahi
Sapna hi tha woh
Par apna ho gaya tha woh
Un sapno ko tod mein unse milna chahta tha
Apni mohabbat ko jaayaz karna chahta tha
Par aisa hota thore hai
Sapne sapne hote hai
Pure thore hote hai
Aise hi saal beetein
Kai purane chehre ojhal ho gaye
Naye chehre saamne aa gaye
Par dastoor nahi badla
Pata nahi unhe kya milta tha
Mujhe khus karke
Kore sapne dekh ke
Jhooth ko unlogo n bhi sach maan liya tha
Jaise mere pyaar mein sachmuch sarabor ho gaye the(smile)
Kya sach hai
Kya jhootha
Kya sapna hai
Yaha kon hai apna
In sawalo mein kon uljhe
Mein to sapne mein tha
Kai parivaro ko milake
Mera bhi ek parivar ban gaya tha
Ek naya sansar bas gaya tha
Kai kahte hai duniya bahut buri hai
Mujhse puccho
duniya se khoobsurat kuch bhi nahi hai
Mera paagalpan bhi sach tha unke liye
Mere saath bhi jeena kuch kam nahi tha
Kitne bhi sabdo ko de du akaar
Par mera dard hai itna jyada
Ki nahi kar sakta hu bas kuch panno mein Vaya
Yaad karke dil jalta hai
Man bhar bhar rota hai
Apni badnaseebi pe kuch kah nahi paata hu
Har ek din kitne muskil se beeta
Har pal us dard ka gawah bana
Soch ke aaj bhi aankh dab daba jaata hai
Bilkul tanha aur akela tha mein
Na koi dost jisse yeh sab mein kah paata
Na koi apna jisko mein yeh samjha paata
Pata nahi kaha rahte hai bhagwan
Wo milte saayad to unko bhi sach batla paata
Kitna muskil hota hai asafalta ke ghoot ko pina
Baar baar wahi jab kismat ban jaaye
Ho jaata hai kitna muskil jeena
Saayad jindagi ka sach yahi hai
Log jhooth ko hi sach maante hai
Sach mein nibhana muskil hai
Isliye bas sapno mein rah jaate hai
Sab dekhte the mera dard
Saayad samajhte bhi honge
Par koi n baatne aaya
Ki mein kyu ji raha hu aise
Saayad mein bhi wohi karta
Jo woh kar rahe the
Dekh ke tamasha
Mein bhi ban jaata uska hissa
Par un tamashaoyon ke peeche ka dard
Mujhe par bhi nahi karta saayad koi asar
Badalna chahta hu khudko
Kisi ka sahara banna chahta hu
Fir koi ho n Rupesh
Aisa hi kuch karna chahta hu
Apna haath badhana chahta hu
Koi bhi mujhe apna dost samjhe
Itna bharosa karein
Ki kar de apna sach mujh se jahir
Mein khud ko unke liye badal jaana chahta hu
Log mujhe chahe bhale apne jarurat mein hi
Mein khud ko itna uthana chahta hu
Log bhul jaaye mujhe
Aur mujhe koi fark n pade
Aisa khud ko banana chahta hu
Badi lambi kahani hai
Ise batane mein kai jindagi bitani hai....
Comments
Post a Comment