Kya accha hona itna bura hai

 Ek mukhtalif si kahani hai meri

Padhna accha lagta hai mujhe

Aur likhna chahta hu

Man mein chal rahe dwand ko

Sabdo ke maadhyam se

 Panno pe aakar dena chahta hu

Sabdo ke madhyam se

Khud ke bhaw ko

Kore kaagaz pe jaahir karna chahta hu

Sabdo ki shaksiyat mein bharosa hai mujhe

Sabdo mein taaqat hai

Kya bolu mein

Aankhein jhep leta hu

Pocch leta hu jaldi se

Aur itni safai se mitata hu woh daag

Jaise woh tha hi nahi kabhi

Daag kitni bhi gahra ho

Bas dikhna nahi chahiye

Aankhon mein jhalakna nahi chahiye

Chehre pe koi padh n sake

Is tarah chhipana hai dard ko

Par jaise hi roshni prabal hoti hai

Daag dikhta hai bhala hi chhipa sa

Nishaan to reh hi jaate hai

Log aate hai log jaate hai

Log aayenge aur jaayenge bhi

Logo ki bhir mein rahta hu

Thora sahas lagta hai

Badi safai se dil se naamonishaan mitata hu

Jaise woh the hi nahi kabhi

Bhul jaata hu unki yaadein

Man ko aise manata hu

Par jab yeh basanti hawa chhuti hai mujhe

Aur khud akele mein rahta hu

Ek halki si tis andar hi andar bechhan kar deti hai

Uski yaad aa jati hai

Nahi hai wo ab mere dard ka hissa 

Mujhe maloom hai

Wo nahi hai aaspass

Yeh bhi yaqeen hai

Par kitni bhi safai se hata do

Kahi n kahi jakhm ke nishan rah hi jaate hai

Per(Trees) se shaakhe(branches) tutti hai

Tutengi hi

Sabhi saakhon(branches) se saath nibhate

Nahi badh sakta hai koi per(Tree)

Chhorna hi parta hai un saakhon ko

Samay ke saath

Par nishan pero pe hi rah jaate hai

Jitna bara per

Nishaan utne jyada

Bahut jakhm jhela hai

Tab jaake hua hai itna bada

Chand bhi kaha mita saka hai dard apna

Aaj bhi jakhm ka daag dikhta hai

Par fir saayad ishq nahi kiya hai chand ne

Warna woh bhi daagdar hota

Har kisi ko mukammal jahan nahi milta

Har ishq ki manjil saadi nahi hoti

Tum mujhe acche lagte ho mein kya karu

Mujhe tumse ho gaya hai pyaar to mein kya karu

Har ishq ki manjil saadi nahi hoti

Tum kyu nahi samajhti

Baar Baar pucchti hai sawal mujhse

Kyu bewafa ho tum

Nahi hu bewafa mein

Wafa to tumhare liye hi hai

Bas use mein accha lagta hu

Yahi to dwand hai

Pyaar to vyavahar hai

Yeh koi karm thore hai

Jise sahi galat ke tarazu pe taula jaaye

Jaana hai chali jaao

Par daag to rah hi jaayega

Tumhi batao khud ko badlu kaise

Kya accha hona itna bura hai....