Mujhe sadharan ban-na tha

 Train ka safar

Kabhi n rukne ka alam

City bus ki yatra

Pure sahar ka muana

Auto mein baith jana

Kahi bhi chale jaana

Sadko pe paidal chalna

Chalte chalte dur nikal jaana

Pure din dosto ke saath ghumna

Aur saam mein chai ke dukan pe baithna

Chai ke chuskiyon ke saath

Ghanto batiyana

Fir mood kare to cinema chale jaana

Aage baithke cinema dekhna

Man kare to restaurant bhi ho aaye

Raat ka khana wahi khaaye

Ya kabhi

Mandir hi saam mein ho aaye

Baith wahi gapiyae

To kabhi park mein timepass

Sabse pecchane jaana tha

Par khaas nahi

Sabka apna hona tha

Garmi ke saam mein

Chhath pe ghumna

Thandak mein

Chhath pe Dhoop sekna

Saam mein

Patango ko dhil dena tha

Yu hi jindgi jina tha

Durga puja mein

Melo mein ghumna

Kisi se n pecchane jaane ka dar

Bhir ka hissa hona

Khud ko bhul jaana

Sadharan hone ka ahsaas

Kisi ki bhi nazar aap par nahi

Sab khud mein mashool

Aisi hi jindgi chahiye thi mujhe

Sadharan hona tha

Jo sab tak sulabh ho

Jis mein sabko apna dikhe

Jisse ho jaaye sabko apnapan

Koi bhaiya kahe

Koi babu

Koi chachu bhi bole

Umar ho jaaye to dadu bhi

Sadharan hi ban-na tha mujhe

Sab pecchane mujhe apna maankar

Khaas nahi

Pyaar tha paana

Unke beech bada nahi 

Samjhe apne jaisa hi

Mein rahu sabke jaisa hi

Sabka hona tha mujhe

Samaj mein rahna tha

Sabhi ke khusi mein saamil

Sabka dukh baatna tha

Saadi ho ya maiyaat

Mela ho ya koi akela

Sabke saath hona tha

Sabke paas hona tha

Mujhe sadharan ban-na tha

Khaas nahi