Pahle khud mein sudhar laa

 Jab tak tu khud se pyaar karna nahi seekhega

Tu dusre se kya pyaar karega

Jab tak tu khud ki kadr nahi karega

Tu dusre ki izzat kya khaak karega

Isliye khud se pahle mohabbat kar

Tab to dusre ko mohabbat de paayega

Pahle khud ko layak bana

Khud pe apna praytan laga

Khud pe urja vyae kar

Khud ko upar utha

Khud ko adarsh bana

Uske baad hi kisi se pyaar ki ummid kar

Khud mein sudhar la

Pahle khud ke nazro mein khud ko bada bana

Tabhi dusro ke nazar mein uth paayega

Yahi sach hai

Jitna jaldi ho sake

Ise swikar kar

Chahe khud se hi sangharsh kar

Khud se hi lad

Par pahle khud ko behtar bana

Khud ki soch sudhar

Jo sudhar duniya mein chahta hai

Pahle khud mein waisa parivartan la

Khud ko aisa adarsh bana

Jise duniya maan sake

Jiske picche duniya chal sake

Khud ke liye pahle kuch karna sikh

Tab duniya ke liye kuch kar paayega

Saare avishkar pahle khud pe pramanit kar

Tab duniya pe prayog mein la paayega

Vastvikta to yahi hai

Tujh se hi samaj hai

Tujh se hi desh hai

Tujh se hi duniya hai

Jo apeksha duniya se karta hai

Khud ko waise hi dhaal de

Tabhi jiwan ka asli anand hai

Dusre se ummid karne se behtar

Khud se ummid kar

Jo badalav duniya mein chahta hai

Pahle waisa parivartan khud mein la