Prem karna itna asan nahi

 Agar himmat nahi hai to mohabbat kyu karti ho

Jab bewafa hi hona hai

To ikraar kyu karti ho

Tum n hoti to koi aur hoti

Saayad wo tumse behtar hoti

Duniya kal bhi mohabbat ka dushman tha

Duniya aaj bhi dushman hai

Aur duniya kal bhi dushman hoga

Naye raaste pe chalna hamesha muskil hoga

Pyaar karna tab bhi gunaah tha

Pyaar karna ab bhi gunaah hai

Aur pyaar karna kal bhi gunaah hoga

Yaad rahein naye raaste pe chalna hamesha muskil hoga

Jab tujhe dusra jaisa hi banna tha 

To mujhe nahi chunna tha

Mein hu aashiq

Vidroh meri prakriti hai

Banaye kanoon mein bharosa nahi

Mein apni raah khud chunta hu

Jab duniya ke niyam kanoon ka itna hi dar tha

Tab dil lagana kya jaruri tha

Prem vidroh hai

Prem kranti hai

Prem sangharsh hai

Prem kuch alag hai

Prem apno se larai hai

Prem samaj se larai hai

Kahi n kahi khud se bhi

Hai himmat to hi kar prem

Prem karna har kisi ke bas ka nahi

Prem Sundar hai

Yaha koi bhed nahi

Isliye hi sabko nahi bhaata hai saayad

Prem dene ka naam hai

Aur dena itna asan hai

Lena asan hai

Par chuka dena sabke bas ki baat nahi

Laila Majnu ki kahani  

Hai sabki jubaani

Sirin farhad ka kissa

Hai sabke jiwan ka hissa

Par manne se sab katrate hai

N jaane pyaar se kyu itna darte hai

Log darpok hai

Banaye raaste pe hi chalte hai

Dusro ko naya raah chunte hi

Dwesh se bhar jaate hai

Har kisi ke liye pyaar karna itna asan nahi

Naye raaste ko chunna 

Har kisi mein itna dam nahi

Dusro ke peeche ho lete hai

Wahi asan lagta unko

Kuch naya karne ki unmein chahat nahi

Isliye pyaar karna har kisi ke bas ki baat nahi

Tum mein duniya se larnre ki agar taaqat hai

To hi aao

Kyunki bhaagne ke liye

Yaha koi dusra raasta nahi

Ho sakta hai is raah pe chalte hue ho jaao barbaad

Par afsos ke liye koi jagah nahi

Is raah ko ek baar jo chun lo

Picche murne ki koi wajah nahi

Prem karna itna asan nahi