Raaston ka guzarna

 Tune raaste ko gujarte nahi dekha hai

Tune apno ko biccharte nahi dekha hai

Tune Apne aakhon ke samme apni hi duniya ko ujarte nahi dekha hai

Tune kabhi apne sapno ko tootte nahi dekha hai

Tune apni nazron ke saamne khud ko bikharte nahi dekha hai

Tune apne chahat ko khud se alag hote nahi dekha hai

Tune kabhi mahsoos nahi kiya hoga apne dil ko bezaar hote

Mujhse pucch

Meine kon sa manjar nahi dekha hai

Mujhse pucch yeh kaisa safar hai

Bada hi jaalim

Insaan bebas hai

Khud ki khoj mein khud mein hi kho jaana

Yahi to safar hai

Anjaane raaston se guzarkar naye mukam ko chhuna

Aur kya kahu

Tu to bas safar mein rahega

Pata nahi kab khud se hi dur ho jaayega 

Safar anwarat chalta rahega

Karwa badhta rahega

Log milte rahenge

Log chhutte rahenge

Naye dost milte rahenge

Purane dost chhutte rahenge

Tu safar se moh n kar

Waqt badhta hi rahega

Ret ki tarah fisalta hi rahega

N safar rukega

N waqt picche hatega

Jo tere kismat mein hai

Usse mil ke hi jaana padega

Paani kab ruka hai

Jab bhi ruka hai paani nahi raha hai

Tujhe chalna hi hai bina ruke

Jo ruk gaya 

Wo bheer mein kho gaya hai

Yahi jindagi ka safarnama hai

Tujhe chalte hi jaana hai

Manjil mile na mile

Raaston se pyaar karna hi hai

Bina ruke bina thake bina tute

Tujhe chalna hi hai

Apno ko chhorkar

Dard dil mein bharkar

Naye mukaam hi chah mein

Anjaane raasto par tujhe chalna hi hai

Yahi safarnama hai tera

Tujhe to bas safar karna hai