Sapne mein tum aayi thi

 Raat bhi tum mere sapne mein aayi thi

Mein swarg ki waadiyon mein khud ko khoj raha tha

Phir tere ghar se mulakat hui

Man mein fir se prem ka sanchar hua

Purane chehre fir se aakhon ke saamne the

Koi tumhare pita the

To koi tumhare bhai

Saath mein behan  bhi thi

Maang liya tumhara haath

Sab taiyaar ho gaye

Mandap saj gaye

Pahuch gaya mera bhi pura parivar

Khabar ke failte hi harsoullaash se bhar gaya pura sansar

Fir se hua ek kshatriye rini

Leke brahman ki beti ka saath

Yeh rin kaise chukaega

Kshatriye mahan

Jaati ki bedi tuti

Prasan hua pura sansar

Manuwaad parasht hua

Ho gayi prem ki jeet

Jag mag tha pura sansar

Khil rahi thi kaliya

Hue pushp bhaaw vibhor

Prakriti ki aisi baarish  hui 

Aisi aagman jiski sabko pratiksha thi

Sansar mein bajne laga aisa madhur sangeet

Jiske dhwani se hua prithvi asthir

Dekh ke brahma ho gaye gambhir

Pura brahmaand hua sann

Sadiyon se jiska intezar tha

Wo pal ab pura hone wala hi tha

Saalo ki kasak ab mitne wali thi

Do premiyo ka hriday milan hone wala tha

Raat mein baat hone wali thi

Chand chandni lutane wali thi

Devta hote jiska praman

Wo shan aane wala hi tha

Baraat pure dhum dham se aayi

Dekh ke hriday ki khushi

Devta bhi irsa se bhar gaye the

Yeh hriday ka pulkit shan Jiska mujhe varso se intezaar tha

Sapna hi tha

Lekin sach ho raha tha

Raat mein pakshi pahli baar jage the

Akash ke madhya mein aise bheer lagaye the

Maano iska hissa unko bhi hona tha

Unke kalraw se vivaah ka sangeet naishargik tha

Chandni baras rahi thi

Hriday mein anand sangeet ka srijan ho raha tha

Man uccha raag ga raha tha

Jaise suro ki lahariya saji thi

Kalpna hi tha

Par drishya vihangam tha

Hriday ki aisi prasanta meine saalo baad mahsoos ki thi

Sapna bhi kaisa chamatkaar hai

Jo bhi man mein chhipa ho kahi

Uska pratibimb hai

Sapna hi tha

Par kuch pal ke liye hi hriday mein utsav tha....

Phir neend khul gayi

Sach se hua sakshatkar

Hriday ka intezar rah gaya fir adhoora

Tum mera prem jaanti ho

Tum jaan chuki ho tum mere hriday ka mridangam ho

Jiske taar bajte hai tumhare darshan se

Kitni baar logi mere prem ki pariksha

Jiska praman puri shristi hai

Itni baar mata Sita ko bhi nahi guzarna para tha agni pariksha se

Jitni baar macha chuka mera hriday chitkar

Tum to sun rahi ho n

Jo mein de raha hu awaaz

Tum to raat ho mere liye

Tum nisha stithir aur shant

Tum deepti ho mere liye

Tumhari rashmi se mera hriday prakashman

Mein woh anubhuti kaise bhoolu

Jo swarg ke saman hai

Jiske saamne sab kuch hai arthhin

Jiska swaad mila tha mujhe varso pahle

Jo ishwar ka bhi pramaan hai

Mein kuch nahi bhool sakta

Isse hi hai sansar mein viswaas mahan

Agar mera prem saccha hai 

Agar mein nisha ka andhkar hu

Tum deepti ka ojas hu

To tum mujhe milogi 

Bas sapne mein nahi

Jiwan mein bhi 

Yahi yatharth hai

Chahe lag jaaye varsho kyu n

Us shan ka pure brahmaand ko intezar hai