Udyam kar

 Tu laalach mat kar

Beetein pal se moh n kar

Beeta pal beet gaya

Isse n koi lagaw rakh

Wo tera atit hai

Vartaman hi nirnayak hai

Samay ko beetna hai

Samay to beetega hi

Jo beet gaya

Usse kyu ghabrana hai

Galti ho gayi bhi to

Kabhi nahi pacchtana hai

Isliye to kahta hu

Beete pal se moh n kar

Veeron ka kaam hai aage badhna

Nahi kabhi picche murna

Nischit hi haar hogi

Yeh jaankar bhi sabkuch nyochhawar kar dena 

Hai veero ki nishani

Soch ke ki

Karm bedi pe kurbaan ho jana hai

Parinaam se mat dar

Tu karm ka bhaagi hai

Bas tu karm hi kar

Beete pal se moh n kar

Apna paurash dikhla

Jo ashadhya hai

Use bhi saadh

Karke bharosa apne upar

Karm path pe agrasar ho jaana hai

Kal tu kya tha

Ispe jyada vichar n kar

Aaj naya itihaas likh

Vartaman hi nirnayak hai

Jaanta hu

Kal tha gaurav tere pass

Par us gaurav ko aage badhana hi

Hai har maanav ka ek matra kartavya

Ruk ke sochna

Hai purush ke liye vyadh

Maanav purusharth se jaana jaata hai

Deke tilanjali

Apne vivasta ko

Naya maarg banana hai

Paake manjil nahi thahar jaana hai

Udyam karte rahna hi jiwan ki paribhasha hai