Vighno se mat dar

 Samay nikalta jaata hai

Ret ki tarah haath se fisalta jaata hai

Laakh koshisho pe bhi andhera khatam hi nahi hota

Subh ke intezaar mein safar chalta hi rahata hai

Ek galat raasta bhi apne manzil tak pahuchata hi hai

Bas waqt nikal jaata hai

Kitna bhi pacchta lo

Wapas nahi aata hai

Samay saarthi hai

Samay ko saadh

Bas galat disha mein mat bhaag

Sadhne jo chala hai

Bas uspe hi dhyan rakh

Apna paurash dikhla

Vyavdhano ke dar se irada mat badal

Kyunki ek baar raaste pe chal dene par har baar naya raasta nahi milta 

Aankhon ke saamne manjar hi badal jaata hai

Uday ast ho jaata hai

Aankhon ke sammukh ghor andhera chhaa jaata hai

Galat hi sahi lagta hai

Man vivash ho jaata hai

Raatri ko hi sach maankar din ki mahima bhul jaata hai

Hosakta hai nayi subah

Yeh sochne se bhi katrata hai

Fir kab woh subah aayegi

Intezaar hi rah jaata hai

Isliye samay ko saadh

Samay pe vijay paa

Kyunki Samay hi saarthi hai

Khud se mat jhooth bol

Kar Sach ko swikar

Apni shakti ko pahchan

Apni kamiyon se mat ho vivash

Aane wale vighno se mat dar

Badal se nikalkar hi suraj ko raasta jaata hai....