Vikas aur pragati

 Sahar mein bhir bahut hai

Dil nahi karta bahar nikalne ka

Log to bahut hai

Bas log hi log hai

Par apna koi nahi

Apna samjhane wala

Dur tak nahi

Sahar mein apnapan nahi hai

Bas mela laga hai logo ka

Aur mela mein sab akela hi hai

Isliye dil nahi karta bahar nikalne ka

Par nikalna bhi laajmi hai

Ghar mein kab tak ghutu

Ghar se bahar nikalna bhi jaruri hai

Hawa tang hai

Saans lene mein dikkat hai

Mehak bhi woh nahi

Jiski aadat hai

Gaariyon ka ambar laga hai

Koi aage nikal raha hai

To koi chhuke 

Horn ka itna shor hai

Ki jaise sahar gaariyon se hi hai

Insaan to kahi hai hi nahi

Gunge aur bahre insaan

Ajib se chidchidahat hai

Aankhon mein jalan hai

Dhuan hi dhuan hai

Petrol ki mahak 

Saath mein

Dhool hi dhool 

Rumaal nikal aata hai

Muh aur naak kisi tarah band kar lu

Kaisi jindgi hai yeh

Yahi maanav vikas hai

Yahi pragati hai

Yahi vigyan ka chamtkar hai

Charo taraf bas shor hai

Becchani hai

Tadap hai 

Wahi chala jaau

Jaha se aaya hu

Yeh sahar nahi

Aadamkhor hai

Hum insaan nahi

Machine hai

Bhawanayein dam tor chuki hai

Jehan mein koi soch nahi

Bas paisa hi paisa

Tabhi tikenge yaha

Pura sahar concrete ka jaal hai

Har taraf makaan hi makaan

Par nahi hai apnapan

Gaon khatam ho gaye

Sanskriti mit gayi

Aadi ka pata nahi

Ant tak pahunch gaye

Jo bache wo bhi khatam ho jaayenge

Logo ko sahar pasand hai

Jo pasand nahi

Usse nafrat

Aur jisse nafrat

Wo hamesha ke liye khatam

Logo ko sahar chahiye

Vikash aur pragati bas dikhna chahiye

Maila hawa aur paani chahiye

Mitti se sana pair nahi chahiye

Dhool se bhara fefra chahiye

Gaao ganda hai

Sahar saaf hai

Fir bhi rumaal saath hai

Mask bhi jaruri hai

Sahar mein aise hi duri hai

Ab to kam se kam 2 gaj bahut jaruri hai

Sawal roj ka hi hai

Jo uthta hai mere man mein 

Ki ham aage badh rahe hai

Ya vinash ke pass pahuch rahe hai

Kaisi kunthit soch hai

Charo taraf gandgi mein ji rahe hai

Phir bhi kahe rahe hai

Ki ham kar rahe vikash 

Vikash vikash vikash

Pragati pragati pragati

Apni dapli apna raag

Kaisa vikaash aur pragati chahiye

Ki hum insaan hi n rahein

Aisi duniya banale

Ki usmein insaan hi n rah sake

Itna vikaash ho gaya hai ki

Mangal pe jaana hoga

Mangal pe jaana vikash hai

Ya dharti nahi rahne layak bana dena vikash hai

Ab bhi wahi sawal hai

Jo mein pucchta hu khud se

Itna dhul hai sadkon pe

Ki saans nahi liya jaata hai

Kuch dikhayi nahi deta hai

Din mein kohra sa chhaya rahta hai

Vikash se ghutan kyu hota hai

Jina itna muskil kyu hota hai

Aisa jina bhi kya

Jab saans bhi n le paaye

Kisko chahiye aisi pragati

Aisa vikash

Hum shikshit ban gaye

Sab kuch padh liya

Sab kuch jaan gaye

Fir bhi kalidas n ban paye

Rambola hi rah gaye

Jis daali pe baithe

Use hi kaat diye

Sahar banaye

Jangal kaat diye

Dusro ka ghar chhin liye

Gaon khatam ho gaye

Sirf machine hi rah gaye

Insaan to kab ke mar gaye

Aur khud se saath sab ko kha gaye

N per(tree) rahe n rahe Jaanwar

Bahut kar liye vikash

Kadam kadam pe kiye

Prakirti ka uphaas

Ishwar ka to dar hi nahi

Insaan ho gaye hai samajhdaar

Ishwar ko maante nahi

Prakirti ke liye prem nahi

Bujh n paaye

Aaye khud kaha se

Lekin ishwar nahi hai

Kar liye viswaas is baat pe

Ek patta bhi hila nahi paate hai

Aur gyaan ka aisa dambh

Roj aata hai bhukamp

Machta hai manav ke vigyan mein harkamp

Bahut hasi aati hai mujhe

Dekh ke apni asamarthata

Phir bhi manav ko ahankar hai 

Ki prapt hai use amarta

Manav ko hai abhiman

Ki wo hi hai shaktishali

Par sach yeh hai ki

ant to hai nischit

Chahe kitna bhi kar lo manmaani

Chahe kuch bhi kar lo nirmit

Aur banao sahar

Banate jaao sahar

Sahar mein rahega sirf concrete

Aur tum saans loge mangal pe....