Wo kaisa akelapan tha

 Mein ab bhi samajh nahi paaya hu

Woh kaisa khaalipan tha

Man sukha tha

Dil paresaan tha

Maana ki samay bura tha

Kismat rutha tha

Par apne to the aaspass

Fir bhi asar nahi hota tha kuch khaas

Ghor andhera chhaya tha

Dil tanha tha jaanta hu

Koi dost nahi

Mein bilkul akela tha

Fir bhi woh khalipan kaisa tha

Saayad safalta ki khushi chahta tha

Bachpan se hi jiski aadat thi

Kuch naya jiwan ka anand maangta ho

Raastein the sab band

Aage kuch n dikhta tha

Umeed kahi baaki n thi

Sab taraf bas khokli yaadein thi

Jo bas meri kamjori thi

Bhar jaata tha mera man

Nich vicharon se

Patit saman ho gaya tha mein

Nakaratmak urja se bhara tha man

Badla ki kaisi bhawna jaagrit thi mere andar

Aisa lagta tha

Puri shristi mera satru hai

Kispe karu viswaas 

Udherbun mein uljha tha man

Maanta hu

Mahol sahi nahi tha

Sab ke ghar toote the

Phir mein unse apne ghar ki ummid kaise karta

Jo har chuka ho

Ran chhor chuka ho

Jisne safalta ka swaad kabhi liya n ho

Mein unhe kaise bhata

Irsa unki aadat ban gai thi

Jiwan mein unke koi lakshya n tha

Bas andhere ki chadar apna pair faila raha tha

Jaha ek bhi roshni ki kiran saayad hoti

Wo bhi andhere ko sach maan chuki thi

Wo bhi andhere ke aage jhuk chuki thi

Wo kaisa khalipan tha

Jo kabhi bhar nahi paata tha

Mandir bhi ghuma

Masjid mein bhi sajda kiya

Gurudware mein bhi matha teka

Par is bimari ka koi ilaaz n mila

Aaj dukh ke badal chhat chuke hai

Man mein nayi Subah diptimaan hai

Kismat ka suraj fir khil utha hai

Lekin prasanta ab bhi man mein nahi hai

Ghor chinta mein hai man

Wo kaisa akelapan tha

Wo kaisa khalipan tha

Jo bhar hi n paaya tha