Aa gaya apne pyaar ka mausam

 Accha hua guzar gaya 

Titurthi thand ka mausam

Ab aaya hai hamare pyaar ka mausam

Tum par faagun ka asar ab dikhega

Tum par gulal ab asar karega

Tera mera pyaar to ab parwaan chadhega

Tumhare gulabi gaal ho jaayenge laal

Tumhare surkh hoth ho jaayenge ab ras bhare

Sharabi aankhen dikhayengi apne nashe ka kamaal

Nasha ka khumaari aisa chhayega

Ho jaayenge madhosh 

ek baar jo hua deedar

Tere ishq ka asar dikhega ab

Ho jaayenge ham becchan aur behaal

Mausam hi aisa aaya hai

Ho jaayenge hum dono rangin

Tu mujhe rang de

Mein tumhe

Aisa ishq ka rang chadhe

Hum dono ho jaaye bismil

Dil mein uhthi hai jajbaato ka toofan

Kaise batau dil e haal

Sambhale nahi sambhal raha

Lekin jab paas mein sanam ho

To kyu roku khud ko

Bah jaana chahta hu bhawanaon ke sailab ke saath

Gote lagana chahta hu

ahsaaso ke samundar mein

Hona chahta hu tere saath fanaa....

Sab mausam ka hi asar hai

Jo aa gaya hai apne pyaar ka mausam....