Aakhir mein bhi insaan hu

 Kyu lagate ho mujhpe itne bandishe

Aakhir mein bhi insaan hu

Mujhe bhi saans lena hai khuli hawa mein

Aakhir mere bhi kuch armaan hai

Mujhe bhi chhuna hai aasman ki bulandiyon ko

Mujhe bhi naam kamana hai

Maana ki ishq kiya hai tumse

Par tumhari ghulam to nahi hu

Kaha jaana hai tumne

ki kisi pe hukm chalana hi pyaar hai

Bas bandishe lagana hi mard ka kaam hai

Kaise bhul jaate ho ki tumhari bhi to ek maa hai

Kaha mein jaau

Kisse baat karun

Sab tumhare hi faisle hai

Meine kabhi nahi kiya inkaar

Par mera bhi ek dil hai

Mera bhi man hai

Mere bhi jajbaat hai

 kaise karu unhe bayan

Kitni baar yakeen dila chuki

Aur kitni baar yakeen dilau

ki meri wafayein tujh se hi hai

Har baar agni pariksha se guzre Sita hi

Mat karo mujhpe shak

Mein tumhari hi hu

Tumhari hi rahungi

Dar lagta hai kabhi kabhi mujhe tumhari baaton se

Kahi chhor to n doge mujhe

Meine ishq kiya hai

Ghulami thore kharidi hai

Dil dukhta hai mera bhi

Aakhir mein bhi insaan hu....