Duniya badal sakte the hum

 Kya nahi tha mere pass

Bas kismat nahi thi

Mere pyaar ne mujhpe kahar barpaya

Unke nafrat ki kya baat karein

Kurbat mein hi khuda the

Ham sahar mein dhoondte rahe

Mahboob mil bhi gayein

Fir bhi hum ashko se nahate rahein

Wo sab kuch luta baithe

Hum wafa ki kayas hi lagate rah gayein

Kahne ko to khub padh liye

Par jaahil yo k yo bane rahein

Chahnewalo ki kami nahi thi

Aur hum humsafar ki talash mein mashroof rahein

Jindgi mere pass thi

Aur hum saason ke firaaq mein hawa shungte rahein

Sab kuch tha mere pass

Bas kismat nahi thi

Adayein to thi bharpoor mujhmein

Bas mashoor n ho sake

Likhte to the khub

Par mukaamal shayar n ban sake

Maa thi mere pass

Fir bhi khud ko garib samajh baithe

Ajaad khayalat the mere

Fir bhi khuda se ham naraaz the

Ki kuch diya nahi humein

Azaadi se badhkar bhi kya hoti hai

Yeh hum samajh n sake

Samajhne ki kuwwat bakshi humein

Aur hum duniya ke aiso aaram ke peeche bhagte rahein

Dil mein pyaar diya beshumar

Fir bhi hum pardarshi ke intezar mein baithe rahe

Duniya badal sakte the ham

Bas tamasha hi dekhte rah gaye