Ek baar aana tha

 Itna to jehmat utha leti

Jo bulaya tha

Aa jati

Mere dil ko jo thora sukoon mil jaata

To tumhara kya bigad jaata

Mera dil thora bahal jaata

To tumhara kya chala jaata

Thora sa mere pass jo rah jaati

To accha hi hota n

Kuch baatein kar leti

Mera man bhi lag jaata

Saayad tumhe bhi ek dost mil jaata

Tere bhi kuch gham honge

Koi bhi nahi is duniya mein jise koi gham n ho

Jhooth bolte hai woh jo kahte hai unhe koi jindgi mein afsos nahi

Bas dard ko chhupate hai

Khud ko majboot dikhate hai

Par andar hi andar toot-te jaate hai

Baat kar leti to 

Tera bhi dard kam ho jaata

Kuch khusnuma baatein hi kar lete

Saayad dil khush ho jaata

Dil mein chhupa hai itna kuch

Tere pass hone pe bahar aa jata

Insaan kitna bhi bada ho

Apno ki jarurat hoti hi hai

Dil ki baat kisi se kahni hi hoti hai

Kise gham nahi sahar mein

Baatne pe thora kam to hota hi hai

Kise muskurane ki chahat nahi hai

Kon hasna nahi chahta

Kon khush rahna nahi chahta

Kon nahi chahta ki koi use pyaar karein

Uske liye jeeiye aur marein

Uski aadato ko bardaast karein....

Uske har galti ko nazar andaz karein

Uski sararto se pyaar karein

Use chidhaye

Use chhere 

Use pyaar karein

Koi maane n maane

Hai to har koi insaan hi

Aa jati 

To kya ho jaata

Tujhe bulaya tha

Mera baat hi rakh leti

Baaton ka karwa chalta

Saayad hum dono ki justju puri ho jaati

Hamsafar ki talash puri ho jaati

Bina milein hi man bana liya

Bina dekhe hi mujhe kuch aur samajh liya

Ek baar aana tha 

Mujhse milna tha....