Holi pe milna hai

 Holi pe milna hai

Kaise milu tumse

Ghar ke neeche aaunga

Tum khidki se rang gira dena

Kitni bhi duri ho

Par dil mein to holi hai

Kon rok saka hai holi mein

Do dilon ko milne se

Mera holi to tujhse hi hai

Kar do mumkin mera milan tujhse

Tera deedar hi mera ishq hai

Tera husn hi mera rang hai

Tujhse prem hi meri holi hai

Tujhse mil jaana hi rango ki baarish hai

Rang utsav hai

Rang anand hai

Rang ulaas hai

Rang to manbhavan hai

Tujhse milan mere liye utsav hai

Tujhe dekhna mere liye anand hai

Tujhse baatein karna mere liye ulaas hai

Tera prem hi mere liye manbhavan hai

Meri holi to tujhse ishq hai

Meri holi to tujhse mohabbat hai

Tujhse mil jaana hi mere liye rango ka khel hai

Tere chehre ka noor kisi rang se kam nahi

Nahane de mujhe tere chehre ke noor mein

Tere gulabi gaal aur tere surkh lab

Karte hai hai har rang ko beasar

Mujhe to tere roop ke rang se khelna hai

Tere aakhon ke nashe mein utarna hai

Koi bhaang hi nahi jo mujh pe nasha chadha paaye

Rang de mujhe apne hi rang mein

Luta de rang apne ek ek ang se

Mila de khud se

Ho jaaye ek duje ke

Aisi holi khele

Ban jaaye humdono hamjoli

Aa rang deta hu tujhe apne hi rang mein

Tu bhi rang de mujhe apne hi rang mein

Khele holi hum dono

Rang rang khelte

Bas ek hi rang mein dhal jaaye