Untak pahuchna hai

 Hu to aapke jaisa hi

Par mein nahi hu aap

Mujh mein hai ek aag

Wo tujh mein nahi saayad

Koi mujhe kaid nahi kar sakta

N mujhe hai kisi ka dar

Mein hu azaad

Hai mere khud ke adarsh aur vichar

Mere andar becchani hai

Mere andar tadap hai

Unse milne ka pagalpan hai

Woh tujh mein nahi saayad

Tujhe kuch aur chahiye

Deti kuch aur tujhe khusi

Mera raasta thora alag hai

Dhan ka lobh nahi

Dhan nahi chahiye mujhe

Kuch leke jaana nahi yaha se

Maati mein hi mil jaana hai

Deti nahi mujhe khushi dhan ka ambaar

Mujhe gyaan chahiye

Mujhe sach mein gyaan chahiye

Aisa gyan jo kar de mujhe mukt

Mujhe riha hona hai is duniya mein

Duniya mein rah ke hi rahna hai duniya se mukt

Mujhe unka hona hai

Mujhe unse milna hai

Apne tadap ko ek mukaam dena hai

Bas un tak pahuchna hai

Jiwan ka arth samajhna hai

Safar lamba hai

Par manjil tak pahuchna hai

Bas unse milna hai

Unmein hi mil jaana hai

Mein thora alag hu

Mujhe yeh duniya nahi bhaati

Koi bhi khushi mujhe khus nahi kar paati

Mujhe is moh maya se nahi koi lagaw

Is moh maya ke upar jaana hai

Bas unse mil jaana hai

Unmein ghul jaana hai

Mera har karm unko hi samarpit

Har kadam manjil ki aur

Aise hi chalte jaana hai

Un tak hi pahunch jaana hai....