Jarur jaayega apne raaste(kuch halki sayari)

 Jaa Raha hai

Bekhauf beparwah

Hawa se baatein karte

Ek duniya ko chhorke

Dusre duniya se milne

Mil paayega ya nahi

Nahi pata use

Par jaayega jarur

Apne raaste

Manjil milegi ya nahi

Pata nahi

Kiska muqaddar kaha le jaaye

Koi fark parta nahi

Jinhe raaston se pyaar hai

Manjil n bhi mile to koi gham nahi

Jo ghar se nikle hi nahi

Unhe manjil e khwaab dekhne ka koi haq hi nahi

Ek hi sahar kya bura hai

Agar wahi maqbooliyat mil jaaye

Dusre sahar ka shauk n hota

Agar mera sahar hi mujhe pecchan dila de

Kyu firte hum sahar dar sahar

Agar mera sahar hi mujhe mere manjil se mila de

Rakib ki talaash nahi mujhe

Par bina rakib kon tarashe mera naseeb

Mere sahar mein itne rakib nahi

Bewajah mein dur jaata nahi

Galfat mein jeene ka shauk nahi mujhe

Waakif hu duniya ke dastoor se

Jalkar hi sona nikharta hai

Warna ek hi sahar mein rahu

Ismein mujhe koi harz nahi

Bas mayoos baitha rahu

Dil mein hikarat bharkar

Kadam uthane ki jehmat n karu

Bas rota rahu duniya ki taqdeer dekhkar

Le le maut mujhe aagosh mein

Aisi jindgi ki jarurat nahi

Sapno ke liye jo ji n saka

Waisi jindgi kis kaam ki...