Jina hai to jawaab dena hi padega

 Har baar chup nahi raha jata

Jawab bhi dena padta hai

Aadmi ko uski aukaad

yaad dilana padta hai

Dekh ke anyay

Muh mor lena

Yeh koi nidaan nahi

Kabhi kabhi

Pratikaar bhi karna hota hai

Is duniya mein jeena hai to ladna hi padega

Kab tak muh chhupaye

Aur muh dabaye rahna padega

Anyay to hoga hi

Lajimi hai

Jab sahnewala sahan karta rahega

Palat ke jawab nahi dega

Jina hai to jawab dena hi padega....

Tumhari chhupi ko log 

tumhari kamjori samajh lete hai

Tumhari acchai ko

tumhari majboori samajh lete hai

Tumhari sahanshilta ko

tumhari murkhta samajh lete hai

Tumhe jawab dena hi padega

Tumhe awaaz uthana hi padega

Yeh duniya utni bhi acchi nahi hai

Jitni tumhe ummed hai

Yaha kaato ka jaal biccha hai

Tumhe dekh ke chalna hi parega

Yaha pag pag pe bhukhe bhediye baithe hai

Tumhe savdhaan rahna hi padega

Yaha nirbhaya kyun hoti hai

Bachpan se hi chup rahne ki shiksha di jaati hai

Agar jawab dena jaanti

To aakh uthane ki himmat kisi ki hoti hi nahi

Is desh mein har samay koi n koi nirbhaya jalti rahti hai

Phir bhi chhupi sadhe rahti hai

Aakhir kyu chup rahna

Kyu anyay sahna

Nirbhaya bhi ek insaan hai

Dard use bhi hota hai

Purush ho ya naari

Pidit to hai saare

Kisi ka maalik kar raha shoshan

To kisi ka parivaar

Yaha soshit hote hai saare

Kyunki samay se awaaz nahi uthate....

Dar mat

Awaaz utha

Khud se dar ko alag kar

Vir marte hai ek baar

Darpok marte hai jiwan mein kai baar

Isliye awaaz utha

Anyay ka pratikar kar

Aaj n bol paaya to fir kabhi nahi bol paayega

Chup rahne se samasya mit nahi jaayega

Ek baar jo sahne lagega

dust ka himmat badhta hi jaayega

Jina hai to tujhe ladna hi parega....

Jina hai to jawaab dena hi padega

Hai nahi koi dusra raasta

Dar ka saamna karna hi padega

Dar se bhaagkar

Dar se chhipkar

Dar ko nahi mitaya jaa sakta

Dar se ladkar hi dar ko haraya jaa sakta hai....

Jiwan ek sangharsh yaatra hai

Yaha har din nayi chunnotiyan se bhidna padta hai

Jo haar gaya so mar gaya

Yaha jit ke hi nikalna padta hai

Jo jeet gaya wahi sikandar

Is jiwan mein kuch bhi asan nahi

Yaha sab kuch paana hi padta hai

Ghari ghari deni hoti hai purusharth ki pariksha

Tab jaake hoti hai sulabh jiwan yatra

Bhaagne ka koi awsar nahi

Palayan karna sambhav nahi

Karm mein hi rat hokar ham karm mein mahan ban sakte hai

Ladkar hi jiwan sangram mein vijayi ho sakte hai

Isliye jina hai to ladna hi padega

Jina hai to jawab dena hi padega