Jo jismein ram jaaye

 Jo jismein ram jaaye

Uski holi us se hi

Jispe jiska rang chadha ho

Uski holi us rang se hi

Jisko jiska nasha chadhe

Uska holi us se hi

Meri holi mere karm hetu samarpan hai

Mujh pe rang chadha hai apne karm ka 

Mein ranga hu apne karma se

Mein bandha hu apne karm se

Rahna chahta hu rat hamesha apne karm mein

Bandhna hai mujhe karm ke bandhan mein

Hai mere kuch kartavya

Bas nibha paau unko acche se

Jiwan se isse adhik n apeksha

Kartavya ke path par arpan jiwan hai mere holi ka pramod

Woh deewana uske pyaar mein

Rahe din bhar uske hi khayal mein

Nahi dikhta use uske alawa kuch

Chadha hai uspe aashiqui ka bukhar

Uski holi apni mehbooba ke sang

Us pe rang chadha hai apne premika ke prem ka

Bas deedar bhi ho jaaye

Itne se hi man jaayegi holi uski

Vidyarthi ka prem uske pustak se

Gyaan ki holi bhi hoti hai

Karlu utna arjan gyaan jitna sambhaw ho

Uspe chadha hai gyaan ka rang

Mujhpe chadha hai shyam ka rang

Mohe rang de mere shyam

Mujhe lagi hai teri lagan

Tu hi hai mera premi aur bhagwan

Mein ban jaau teri radha

Tu is falgun mein daras dikhla ja

Mujhe to kanha se hi prem hai

Mera kanha sabse rangin hai

Kar le mujhe swikaar mere kanha

Mujhe tere rang mein rang jaane de

Prit ki lagi aisi lagan mere shyam

Tohe dhoondu mein subah aur shaam

Mera rom rom hai bechhan

Tere se milan ko hai vyagra mera man

Kisi ki holi prabhu raam ke sang

Raam raam kahe

Raam naam jape

Raam naam mein hi rame

Shri raam se prem ke rang mein range uska man

Bhaje Raam naam

khele holi prabhu raam naam ke sang

Kisi ki holi apne khuda ke sang

Ae mere maalik

ae mere maula

Tu hi hai sabse dhaula

Khelu mein tere sang holi

Aaj rang hai

Tere se hi ranga mera man

Aa khele holi ali ke sang

Sainik ki holi apne matrabhumi ke sang

Lahu bahana desh ke liye

Desh prem mein dubna hai uski holi

Baniya ki holi vyapar ke sang

Jitna munafa utna rangin ho jaaye baniye ka man

Vyapar ke liye sab kuch arpan hi hai uski holi ka anand

Shravan kumar ki holi apne mata pita ke sang

Maa pita ka sewa karna hi hai uska Param Dharm

Mata Pita ka prem hi hai uske liye sarvshresta rang

Apna jiwan arpan maata pita ke liye hi hai uski holi