Kranti hu mein

 Kranti hu mein

Mar sako to maar do

Par nahi marungaa mein

Daab sako to daab do

Par nahi dabungaa mein

Meri awaaz band karna chahte ho

Par nahi kar paaoge

Jitna rokoge

Utna failunga

Par rukunga nahi

Badhta hi jaaunga

Kranti to sab mein hai

Par himmat sab mein nahi

Badlaw to sab chahte hai

Par badal nahi paate hai

Ladna sab ko hai

Par himmat nahi juta paate hai

Dekh anyay chup hi rah jaate hai

Ladna  sab ke bas ki baat nahi

Hawa bhi vidrohi hai

Paani bhi vidrohi hai

Chand bhi vidrohi hai

Suraj bhi vidrohi hai

Vidroh hi jiwan hai

Jo vidroh nahi to jiwan nahi

Vidroh to naisargik hai

Vidroh to hamara sangeet hai

Vidroh hi hamare ishwar hai

Vidroh ke bina is brahmaand mein kuch bhi sambhaw nahi

Vidroh hi srijan hai

Vidroh hi visharjan hai

Vidroh hi aarambh hai

Vidroh hi ant hai

Vidroh ki avishkar hai

Vidroh hi nai khoj hai

Vidroh hi antahkaran hai

Vidroh hi man ka dwand hai

Vidroh hi hriday ki vivasta hai

Vidroh mein hi jiwan ras hai

Vidroh hi shiv hai

Vidroh hi vishnu hai

Vidroh hi bramha hai

Vidroh hi prem hai

Vidroh hi yudh hai

Vidroh hi ghrina hai

Vidroh hi jiwan ka karak hai

Vidroh hi mera viswas hai

Vidroh hi mera dharm hai

Vidroh hi mera gyaan hai

Vidroh hi mera jiwan hai

Vidroh hi meri uttejana hai

Vidroh hi meri kaam wasna hai

Vidroh se mera rom rom pulkit

Vidroh hai mere rakt ka pravah

Vidroh hi mera jiwan urjaa

Vidroh hi mera merudand

Vidroh hi mera swaas hai

Vidroh hi mera praan hai

Kranti hu mein

Vidroh mein prakirti

Vidroh to mein karunga hi

Khud se bhi

Duniya se bhi

Mein prem karunga

Vidroh karunga

Kranti aayegi hi

Kranti aati hi hai

Sab kuch badal deti hai