Maut to bas ek khayal hai

 Maut to bas ek khayal hai

 Ek dhokha hai

Ek maya hai

Jo hai nahi kuch

Par lagta hai jaise

Sagar ka kinara hai

Hai hamare bas soch mein

Dharatal pe koi nishaan nahi

Jindgi ki hasrat bane rahein

Bas isliye maut ka dar hai

Maut to bas kori kalpna hai

Maut  sachmuch mein kuch nahi

Bas jindgi ka ant hai

Safar to rukta hi hai

Karwa to tharthra hi hai

Jo chalta hai wo thakta hi hai

Jo nahi tha

Uski koi baat hi nahi

Par jo hai

Wo to kahi n kahi pahunchega hi

Mumkin hi nahi 

Ki jo raaste mein hai

Wo apne manjil tak n pahuche

Jo aaya hai

Use jaana hi hai

Kirdar aate hai

Kirdar jaate hai

Apna apna kirdaar nibhate hai

Duniya to rangmanch hai

Bas yahi to hamari aapki kahani hai

Jindgi se mohabbat itni kyu

Jab maut ek din aani hi hai

Kuch bhi nahi yaha apna 

Maut ke siwa

Kuch bhi paalo

Kuch bhi kama lo

Manjil to maut hi hai

Maut se karo pyaar

Sab chhor bhi de

Maut se wafadar koi nahi

Tumhari wafayein ki kimat bas maut hi jaane

Maut hai sabse bada dost

Kitna bhi dard mile

Maut hi sabse nijaat dilaye

Jinhe azadi chahiye

Unhe maut se kyu gila

Kar deti azaad sabhi bandhanon se

Khuda se milati hai

Maut ka utsav manao

Maut to khusi hai unke liye

Jo  jaate hai duniya chhor ke

Hum tum gamjada hai

Par woh to khusnasib hai

Maut to fagun ki dastak hai

Patjhar beet gaya

Naya kopal khilnewala hai

Maut se pyaar karo

Maut ka aehtram karo

Maut mein koi bhed nahi

Garib aur amir ko ek banati hai

Paani jaisa hai maut

Berang bemurabat

Sabka hi saath deti hai

Kuch ke liye jaalim aur patthar dil

Par jo rukhsat ho gaye

Unke liye raham dil

Maut hi mumkin hai

Baaki sab ka nahi pata

Aur kuch mukammal ho ya nahi

Maut to jarur mukammal hogi

Maut se pyaar karo

Maut ka intezar karo