Mein premi hu

 Mujhe marne do

Mujhe jiwan se koi prem nahi

Meine prem kiya hai

Koi apraadh nahi

Naisargik hai

Kuch vishesh nahi

Sahaj hai prem hona

Kisi muhurat ki mohtaaz nahi

Isse jyada pavitra kuch bhi nahi

Prem ishwar hai

Koi tirth jaane ki aavashyakta nahi

Ismein koi bhed nahi

Kisi bandhan ka bhay nahi

N paane khone ki hor hai

N hi koi vijeta

Bas samarpan hai

Sab kuch dena hi prem hai

Bina kisi sansay ke

Jaha vichar hai

Waha prem nahi

Kuch nihit swarth hai

Mujhe dene do

Mujhe dena hai

Sab kuch arpan karna hai

Mein premi hu

Mujhe prem karna hai

Prem hi utsav hai

Prem anand hai

Prem karna koi vilakshan pratibha nahi

Manav ka prakirtik gun hai

Prem avsar hai

Sab kuch khone ka

Unse milne ka

Sab kuch khoke bhi sab kuch paa lene ka

Is avsar ka laabh uthao

Jiwan mein prem paao

Prem ka ant nahi

Iska koi shira nahi

Koi chhor nahi

Prem anwarat bahaw hai bhawnaon ka

Bhawnaon ka kumbh prayag hai

Prem se bada koi gyaan nahi

Bhakti ki aisi maya

Kuch aur jaan-ne ko sesh nahi

Prem hi sabse bada shikshak

Sabse bada vidyalaya

Jisne prem ko samjha

Jagat guru maano usko

Meine prem kiya hai

Koi apraadh nahi

Mujhe marne do

Mujhe jiwan se koi prem nahi

Mein premi hu

Mujhe mrityu se koi dar bhi nahi