Mein to bolunga hi

 Mein to bolunga hi

Tumhe accha lage na lage

Bolna mera haq hai

Mein to bolunga hi

Jyada se jyada maar doge

Agar kahu ki maut bhi mera ant nahi

To tum kispe hathiyar chalaoge

Mujhe jo sahi lagega 

Mein to bolunga hi

Saja ke dar se chup nahi baithunga

Bolna meri prakirti hai

Mujhe abhivyakti ki aajadi hai

Jo dekhunga so bolunga

Kaan tumhare hai

Nirnay tumhe lena hai

Meine to nirnay le liya hai

Mujhe jo bolna hai

Mein to bolunga hi

Rok sako to rok lo

Kitna bhi avrodh lagao

Man ko kaha rok paaoge

Vicharon ka srijan nischit hai

Prakat ho n ho

Sansar mein stith hai.....

Nadi ke pravaah ko

Vayu ke bahaw ko

Prakirti ke badlaw ko

Kaise rokoge tum

Jo naisargik hai

Woh to rahega hi

Mere bolne ki azadi

Tum chhin n paaoge

Mein to bolunga hi

Tumhe accha lage na lage

Sach ko upasthit karunga hi

Tumhe swikaar ho n ho

Mujhe mita bhi do

Koi dusra aa jaayega

Jab tak suraj chand hai

Sansar gatimaan hai

Vichar nahi rukenge

Kitna bhi jor laga lo

Talwar tab bhi chali thi

Jahar ka pyala pilaya gaya tha

Par suraj aaj bhi ugta hai

Ummid ki kiran lata hai

Andhera kitna bhi gehra ho

Subah to hota hi hai....