Mujhe bhool jaao

 Mujhe bhool jaao

Mein badal chuki

Mein wo hu hi nahi

Jise tum jaante the

Tum jise chahte the

Mein woh khusnasib nahi

Saal beet gaye

Saayad tumhe yaad nahi

Tumhe jiski yaad hai

Ab woh mein hu hi nahi

Wadt badal jaata hai

Jajbaat badal jaate hai

Kuch bhi thehra nahi rahta

Sab kuch badal jaata hai

Tum nahi badle saayad

Par mein to badal gayi

Tum bhi badal jaao

Ab mein woh hu hi nahi

Yaadein bas yaadein hai

Jindgi usse nahi chalti

Kya kahu tumse

Jindgi mein jo bhi chaho

Jaruri nahi mil jaaye humein

Jindgi ka falsafa yahi hai

Sab ko sabkuch milta nahi

Hum insaan hai

Bhagwan nahi

Halat hamare anusar ho

Yeh jaruri nahi

Kya sahi hua 

Kya hona chahiye tha

Kon karega tai

Itne akalmand hum nahi

Jiske kismat mein jo tha

Usko wahi mila

Tumhare kismat mein nahi thi

To tujhe kaise mil jaati

Beeta samay nahi lautta

Kitna bhi chaho

Badlaw hi prakirti ka niyam hai

Jitna jaldi ho ise swikar karo

Ab mein badal chuki

Bahut dur nikal chali

Mere halat badal gaye hai

Mein kisi aur ki ho chuki

Tum bhi samjho is baat ko

Bhul jaao mujhe

Jyada der nahi hui hai

Apni sahi raah chuno

Mat karo barbaad is jindgi ko

Bhagwan ka aashirvad hai

Kuch paa lo jindgi mein

Abhi bhi bahut samay tumhare pass hai